E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

“Shpërthen” Rama/ Paralajmëron ministrat dhe deputetët, priten valë shkarkimesh

19 Qershor 2018, 07:51, Aktualitet CNA

Në mbledhjen e djeshme të grupit parlamentar të Partisë Socialiste, kryeministri Rama është shprehur me tone të forta, dhe i pakënaqur me punën e deri tanishme të deputetëve, ministrave dhe administratës, ndërsa ka paralajmëruar edhe shkarkime ministrash e drejtorësh.

Kreu i qeverisë theksoi para ligjvënësve socialistë se ministrat dhe drejtorët, që sipas tij, do të rezultojnë më të denoncuarit nga qytetarët tek platforma e ?Bashkëqeverisjes? do të largohen. Gjithashtu Rama nuk e ka fshehur pakënaqësinë ndaj të pranishmëve, edhe sa i takon funksionimit të administratës shtetërore.-raporton gazeta Sot.

Duke iu referuar turit të llogaridhënies publike, Rama ka theksuar se problemet që ngrihen nga njerëzit vijnë nga paaftësia e drejtorëve dhe punonjësve të administratës, duke paralajmëruar se do të shkarkohet çdo parazit nga zyrat e shtetit. ?Kemi drejtorë institucionesh të paaftë dhe jo korrektë që nuk kanë performancë të lartë. Ka shumë ankesa nga qytetarët që nuk u zgjidhen hallet, por përcillen sa nga një zyrë në tjetrën. Çdo drejtor dhe nëpunës parazit do të shkarkohet nga administrata?, mësohet të ketë deklaruar Rama, i cili ka paralajmëruar se në fund të turit të llogaridhënies, që mbyllet në fund të qershorit, kushdo që nuk ka performancë në punë do largohet.

Ndër të tjera, Rama është treguar mjaft i ashpër me deputetët e tij, të cilët i ka fajësuar se kanë harruar problemet e qytetarëve. Për këtë arsye, mësohet se Rama ka qënë i prerë me ligjvënësit socialistë, duke iu kërkuar që të punojnë fortë dhe të jenë sa më pranë halleve të qytetarëve, në mënyrë që të shkojnë të sigurtë për një fitore në zgjedhjet e ardhshme.

Po ashti, i ashpër është treguar edhe përsa i përket punësimeve. Mësohet se shefi i qeverisë ka kërkuar nga ligjvënësit socialistë që atyre të mos bëjnë punësime me SMS dhe të zgjidhin hallet e qytetarëve në terren. Madje, ai ka kërkuar që çdo punësim, sipas tij, të bëhet me formulën ?meritë-preferencë?, dhe jo me klientelizëm partiak apo shoqëror.