web counter
LEXO PA REKLAMA!

SHKARKO APP

E fundit!

x

"Bëma" e radhës/ Çuni i Fahriut i “armatosur” në Kuvend

19 Qershor 2018, 10:12, Aktualitet CNA

Debate të forta, tensione që degraduan deri edhe në përplasje fizike kanë shoqëruar sot mbledhjen e Komisionit Parlamentar të Medias, ku do të zhvillohej një seancë dëgjimore me ministren e Kulturës, Mirela Kumbaro, në lidhje me çështjen e Teatrit Kombëtar.

Shkak për tensionet që shoqëruan takimin, u bë prania në sallë e kryebashkiakut Veliaj, për të cilin PD pretendon se ka ardhur në Komision i paftuar. Nga ana tjetër, Veliaj u shpreh se është ftuar nga 2/3 e anëtarëve të Komisionit.

Kryetarja e Komisionit, Albana Vokshi ka urdhëruar disa herë Gardën që të nxjerrin jashtë Veliajn, por kërkesa e saj nuk është plotësuar.

Në këto momente janë shënuar edhe përplasje fizike mes deputetëve demokratë dhe punonjësve të Gardës. Demokratët janë ngritur nga vendi dhe kanë tentuar largimin me forcë të Veliajt, dhe ndërkohë Garda ka ndërhyrë duke krijuar kordon mes tyre dhe kryebashkiakut.

Por, një detaj tjetër që nuk u pa në media, është se çuni i Fahri Balliu, deputeti demokrat Klevis Balliu, është paraqitur në komision i ?armatosur me vezë?.

Të paktën kështu deklaroi kreu i grupit parlamentar të PS, Taulant Balla.

Balla në një deklaratë për mediat u shpreh se ?Deputeti Klevis Balliu kishte ardhur në mbledhje i ?armatosur? me vezë në të gjithë xhepat e tij?./ CNA.al





Lajmet e fundit nga