web counter
LEXO PA REKLAMA!

SHKARKO APP

App Store
Google Play

E fundit!

x

Panik në radhët e drejtësisë/ Vettingu “ekzekuton” kreun e Kushtetueses?

5 Qershor 2018, 07:44, Aktualitet CNA

Komisioni i Pavaruri i Kualifikimit ka gati të dhënat e pasurisë, pastërtisë së figurës dhe të aftësive profesionale për të gjithë gjyqtarët dhe prokurorët që ishin pjesë e listës prioritare.

Fillimisht Vetingu nisi për 63 emra, të cilët janë anëtarë të Gjykatës Kushtetuese, Gjykatës së Lartë dhe kandidatë për në KLGJ dhe në KLP. Që në muajin prill nisën seancat dëgjimore kryesisht për anëtarët e Gjykatës Kushtetuese, ndërsa dje kaluan në sitë dhe dy kandidatë për në KLGJ dhe në KLP. Por sipas burimeve, KPK ka mbyllur procesin e verifikimit për të gjithë emrat e listës prioritare.

Për të gjithë janë mbledhur informacione nga ILDKP, Drejtoria e Pastrimit të Parave, DSIK, SHISH, KLD, Prokuroria e Përgjithshme etj., dhe tani ka mbetur vetëm procesi i seancave dëgjimore dhe marrja e vendimit. Momentalisht KPK ka njoftuar shumicën e gjyqtarëve dhe prokurorëve për gjetjet dhe ata kanë të drejtë të dorëzojnë prova shtesë.-raporton gazeta Sot.

Kjo do të thotë se KPK do të zhvillojë tani shumë seanca dëgjimore brenda një jave. Ditën e sotme do të japin llogari Edmond Islamaj, gjyqtar në Gjykatën e Lartë dhe Dritan Prenci, prokuror në Prokurorinë e Krimeve të Rënda. Ndërkohë të premten do dalë para KPK kreu i Gjykatës Kushtetuese, Bashkim Dedja, pasi do mbahet seanca dëgjimore. Për këtë të fundit gazeta e lajmëroi pak ditë më parë që ishte mbyllur vetingu dhe ai rrezikon largimin. Sipas planeve të KPK, brenda muajit pritet të ezaurohen seancat dëgjimore.





Lajmet e fundit nga