web counter
LEXO PA REKLAMA!

SHKARKO APP

App Store
Google Play

Policia serbe ndalon artistët shqiptarë/ Reagon kryeministri

30 Maj 2018, 10:48, Kosova & Bota CNA

Kryeministri i kosovës, Ramush Haradinaj ka reaguar pas lajmeve të publikuara në media se një fotografi e Eliza Hoxhës që përmbante mbishkrimin UÇK dhe katalogu i saj janë ndaluar nga policia kufitare serbe.

Mediat kosovare shkruajnë se ?Kufitarët serbë po kontrollojnë në detaje autobusin e ekipit nga Kosova që pritet të marrë pjesë në festivalin ?Mirdita, Dobar Dan?. Koha Ditore raporton se autobusi dhe fotografitë e Eliza Hoxhës po kontrollohen nëse ka ndonjë flamur të Kosovës.

Pas kësaj ka reaguar Haradinaj, i cili në një postim në rrjetet sociale shkruan se ?Autoritetet serbe me aktin e ndalesës në kufi të artistëve kosovarë, të ftuar në festivalin ?Mirëdita, dobar dan? në Beograd, po rrënojnë edhe ato pak mundësi për vendosjen e një komunikimi normal me Kosovën?.

Sipas tij, ?Me pengimin e lëvizjes së lirë të njerëzve dhe ideve, Serbia po e minon normalizimin e marrëdhënieve me Kosovën, që është në kundërshtim me frymën dhe vlerat europiane?.

Postimi i plote i Haradinajt:

Autoritetet serbe me aktin e ndalesës në kufi të artistëve kosovarë, të ftuar në festivalin ?Mirëdita, dobar dan? në Beograd, po rrënojnë edhe ato pak mundësi për vendosjen e një komunikimi normal me Kosovën, qoftë edhe përmes artit, si gjuhë universale.

Artistët dhe të rinjtë nga Kosova po i nënshtrohen bastisjes së rreptë në kufi me Serbinë, ku policia serbe ua ka bërë me dije se dy ekspozita nuk do të lejohen për shkak të përmbajtjeve artistike të tyre.

Me pengimin e lëvizjes së lirë të njerëzve dhe ideve, Serbia po e minon normalizimin e marrëdhënieve me Kosovën, që është në kundërshtim me frymën dhe vlerat europiane.





Lajmet e fundit nga