web counter
LEXO PA REKLAMA!

SHKARKO APP

App Store
Google Play

Ndryshon moti/ Ja çfarë pritet për orët në vijim

30 Maj 2018, 06:30, Aktualitet CNA

Moti për ditën e sotme do të sjellë një ndryshim të kushteve atmosferike me kthjellime dhe vranësira.

Sipas MeteoAlb, gjatë gjithë ditës moti paraqitet me kthjellime dhe vranësira të herë pas hershme, të cilat pritet të jenë më të dendura pas mesditës deri në mbrëmje.

Ndërkohë priten shira të përkohshëm në Veri dhe zonat Lindore, por reshje të izoluar rrezikojnë pjesërisht zonat Qendrore të vendit.

Temperaturat e ajrit ruajnë vlera konstante gjatë mëngjesit, ndërsa rënie të lehtë sjell mesdita, por gjithsesi do të ruhet maksimumi deri 32°C.

Era do të fryjë e lehtë dhe rrallë herë mesatare, me shpejtësi 28 km/h nga drejtimi Veriperendimor, ndërsa në det vijon dallgëzimi 1 ? 2 ballë.

Sa i përket Europës, pjesa më e madhe e kontinentit do të dominohet nga vranësira dhe rrebeshe shiu.

Më të dendura reshjet do të jenë në zonat Qendrore dhe gadishullin Ballkanik. Ndërsa Lindja dhe pjesërisht Europa Veriore mbeten me kthjellime dhe vranësira të herë pas hershme.





Lajmet e fundit nga