E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

“Lum” kokaine në Gjermani/ Zbulohen emrat e 13 bosëve shqiptarë

19 Maj 2018, 06:46, Aktualitet CNA

Mësohen identitetet e 13 shqiptarëve të arrestuar në Gjermani, grupi i të cilëve u godit nga policia Gjermane, nga ku iu gjetën dhe sekuestruan 1,8 ton kokainë.

Kokaina e cila po transportohej në arka bananesh arrinte vlerën mbi 400 milion euro, me vlerë tregu.

Shqiptarja.com ka mundur të sigurojë mandatin e arrestit të policisë gjermane përmes të cilit u bë i mundur arrestimi grupit të organizuar kriminal.

Zyra e investigimeve kriminale në landin e Bavarisë dy ditë më parë dha detaje të reja për një sasi rekord kokaine kapur në Hamburg gjatë dy operacioneve. Në këtë operacion ishin përfshirë 500 forca policore .

?Është një prej sukseseve më spektakolare në luftën me mafian e narkotikëve në historinë e Republikës Federale Gjermane? kështu deklaroi Ministri i Brendshëm JoachimHerrmann. Ministri gjerman theksoi se ?qëllimi është gjithashtu të zbulojmë strukturat organizative të autorëve?.

Policia Gjermane

Kutitë e bananeve përgatiteshin në Amerikën e Jugut dhe nën to fshiheshin pako të shumta kokaine. Më pas kutitë transportoheshin me anije për në Evropë dhe Gjermani nëpërmjet të ashtuquajturave mbivendosje të shtresëzuara?, tha drejtori i Investigimit Kriminal JörgBeyser.

Shqiptarët e arrestuar

Të huaj

Nga hetimet e nisura në Prill 2017 policia Gjermane arriti të zbulojë rolet e shtetasve të arrestuar në trafikun e kokainës e cila vinte nga Ekuadori e fshehur në kuti bananesh.

Emiljan Hysenaj, Dashamir Ndoj dhe një tjetër shqiptarë me mbiemrin Dauti emri të cilit nuk dihet ende kishin rrolin parësor në këtë trafik.

Në të njëjtën kohë hetuesit gjerman i kanë shtrirë hetimet edhe në Shqipëri pasi kanë të dhëna se anëtarët e kësaj strukturë të mirë organizuar në trafikun e kokainës kanë të afërmit e tyre të përfshirë në politikë dhe aktivitete kriminale.

Nga çfarë dihet deri më tani është se droga vinte nga Ekuadori dhe mbërrinte në portet gjermane. Pasi magazinohej anëtarët e grupit shkonin nëpër magazinat e supermarkeve dhe merrnin sasitë e kokainës.

Kujtojmë këtu se e njëjta strategji për trafikimin e kokainës nëpërmjet kutive të bananeve është kapur në kompaninë “Arbri Garden” të Arbën Çekajt, ku u sekuestruan 613 kilogramë kokainë.