Çështja e personave të zhdukur/ Diskutim në Samitin e Londrës

11 Maj 2018, 15:14, Kosova & Bota CNA

Për zbardhjen e fatit të personave të zhdukur do të diskutohet edhe në Samitin e Londrës, i cili do të mbahet më 9 dhe 10 korrik të këtij viti.

Ndërsa mungesa e një ligji specifik për trajtimin e çështjes të të zhdukurve po konsiderohet si mundësi për përmirësimin dhe zbatimin e ligjeve ekzistuese.

Kështu u bë e ditur në takimin e radhës të Komisioni Qeveritar për Persona të Zhdukur.

Këshilltari politik i kryeministrit të Kosovës, Jahja Lluka tha se do të angazhohen që të shfrytëzohen të gjitha mundësitë që sa më parë të mësohet për vend ndodhjen e personave të zhdukur.

Lluka tutje shtoi se puna e tyre do të fokusohet në pesë prioritete kryesore, ku ndër to është edhe trajtimi më i mirë ligjor dhe institucional për familjarët e personave të zhdukur.

Ai u shpreh se çështja e personave të zhdukur në Kosovë do të jetë pikë diskutimi edhe në Samitin e Londrës prej ku presin presion ndërkombëtar më të madh ndaj Serbisë dhe akterëve të tjerë.

Abasadori britanik në Kosovë, Ruari O?Connell tha se do i përkrahin institucionet dhe familjarët për zbardhjen e fatit të të zhdukurve, ndërsa shtoi se ata do të angazhohen edhe për të vënë drejtësi për këta persona, trasnmeton kp .

O?Connelli tutje shtoi se shpresojnë që në Samitin e Londrës, fokus i diskutimit do të jetë edhe çështja e personave të zhdukur e cila është edhe kyçe për pajtim dhe bashkëjetesë rajonale.

Ambasadori britanik tutje tha se fakti që mungon një ligj specifik për personat e zhdukur krijon mundësi për përmirësim dhe zbatimin e ligjeve.

Sipas tij, në takimin e sotëm do të prezantohet një raport qëllimi i të cilit është identifikimi i disa pengesave në strukturën ligjore për çështjen e të zhdukurve.

Kushtrim Gara, udhëheqës i njësisë të Komisionit Qeveritar për Persona të Zhdukur, tha se aktiviteti kryesor i komisionit qeveritar mbetet përkrahja e familjarëve të personave të zhdukur përmes plotësim ndryshimit të ligjit për skema pensionale.

Kryetarja e kryetarja e Komisionit për të Drejtat e Njeriut dhe Barazi Gjinore, Duda Bale gjatë këtij takimi u shpreh optimiste se Rezoluta për Persona të Zhdukur edhe do të zbatohet, duke mos mbetur vetëm në letër siç kanë mbetur shumë të tjera më parë.

Ajo tregoi gatishmërinë për të bashkëpunuar dhe punuar në drejtim të zbatimit të kësaj rezolute.

Në Kosovë janë të evidentuar edhe 1654 presona si të zhdukur.