Manastirliu sulmon opozitën për listën e barnave të rimbursueshme

8 Maj 2018, 17:50, Aktualitet CNA

Pas akuzave të kreut të grupit parlamentar të LSI-së, Petrit Vasili për listën e barnave të Rimbursueshme ka reaguar ministrja e Shëndetësisë, Ogerta Manastirliu.

Në një postim në rrjetet sociale, Mansatirliu shkruan se ky reagim vjen në kuadër të punës së Ministrisë për të bëra sa më shumë transparencë përballë qytetarëve.

Më tej Manastirliu ka treguar se si ishte shëndetësia në kohën kur qeveria Rama erdhi në pushtet dhe se si është sot, ndërsa ka sumular dhe opozitën.

Reagimi i plotë:

Një sqarim i hollësishëm, në përpjekjen për të vazhduar përpara në rrugën tonë për shëndetësinë që duam, për të bërë sa më shumë transparencë, përballë qytetarëve që na kanë votuar në shumicë.

Por edhe një përgjigje për të gjithë ata që sot shfryjnë e nxjerrin vrer, por që kur shqiptarët ua dhanë shansin, e katandisën shëndetësinë në gërmadhë.

Një gërmadhë, ku ilaçet e blera me taksat e shqiptarëve zhdukeshin pa mbërritur në dyert e depove të barnave të spitaleve.

Një gërmadhë, në të cilën buxheti për shëndetësinë ishte 124 milion Euro më pak se sa sot, dhe vetëm buxheti për listën e barnave të rimbursueshme, ishte 30 milion Euro më i vogël.

Një gërmadhë, ku qytetarët shqiptarë trajtoheshin në mjedise që nuk i linin asgjë mangët zonave të luftës, apo tregjeve të gjësë së gjallë.

Një gërmadhë ku mjekë e infermierë ishin nëpërkëmbur, deri në pikën që, me urdhëra ministrash detyroheshin të zbraznin xhepat për të paguar ?specializimin? në Universitete private, të cilët koha dhe drejtësia i vërtetoi si piramida.

Një gërmadhë ku politikat shëndetësore për blerje barnash bëheshin nga miq dhe kushërinj, dhe ku ishte shuar fare vija që ndante zyrtarin e shtetit nga biznesmeni.

Eshtë ky binom që sot vazhdon të godasë me baltë, dhe të kërcejë përpjetë – çuditërisht – sa herë që, qeveria në mandatin e parë dhe tashmë edhe në mandatin e dytë, shpall uljen e çmimeve të ilaçeve.

Por shqiptarët janë të zgjuar. I kanë parë, i kanë njohur, dhe janë mësuar tashmë me politikanët që sot lëpijnë atë që pështynë dje, e nesër pështyjnë atë që lëpijnë sot.

Ne të parët jemi të vetëdijshëm, se kemi ende shumë punë për të bërë. Për sa na takon, do të vazhdojmë të punojmë çdo ditë, me shumë përkushtim dhe përulësi, bashkë me qytetarët, për të përmbushur premtimin që u kemi dhënë atyre, për Shëndetësinë që duam.

Më poshtë, ju ftoj të lexoni deklaratën e Drejtorit të FSDKSH, në lidhje me listën e re të barnave të rimbursueshme.

——

Deklarata e Z. Eduart Ahmeti, Drejtor i Përgjithshëm i ?Fondit të Sigurimit të Detyrueshëm të Kujdesit Shëndetësor?,

lidhur me Listën e Barnave të Rimbursueshme 2018

Jam sot në këtë konferencë për të ndarë me ju dhe me gjithë qytetarët fillimin e procesit të aplikimit të Listës së Barnave të Rimbursueshme 2018, e cila siç është përmendur edhe më parë zgjeron gamën e medikamenteve të rimbursuara si dhe të diagnozave që ajo mbulon.

Lista e re e barnave 2018 përmban:

1175 alternativa tregtare

568 barna të para

344 principe aktive

dhe 36 barna të reja të përfshira për herë të pare në listën e rimbursimit për diagnoza si insuficiencë kardiake, kancer, hepatit C, demencë/Alzheimer, diabet, etj.

Këto barna, përmirësojnë dhe zgjerojnë trajtimin e pacientëve në shërbime onkologjike, gastrohepatologjike, endokrinologji, kardiologji, psikiatrike, neurologjike etj

Pa dyshim, risi është përfshirja në këtë listë e herceptinës, njëra forme e saj, e cila së bashku me formën tjetër që sigurohet në QSUT arrin mbulimin 100% të nevojave të grave dhe vajzave për trajtimin e kancerit të gjirit.

Përveç shtimit të numrit të barnave të LBR 2018, vlen të theksohet se çmimet e miratuara janë ulur me rreth 11% krahasuar me çmimet e listës së mëparshme, duke sjellë kështu mundësinë për zgjerimin e listës së rimbursueshme dhe në përfshirjen e diagnozave të reja që më paë nuk ishin mbuluar.

Ndërkohë, krahas uljes së çmimit të barnave është rritur vlera e financimit për rimbursimin e barnave. Ne sot financojmë rreth 10.4 Miliard lekë për rimburismin e barnave dhe përfitojnë rreth 475,000 qytetarë.

Vetëm nga barnat e rinj do të përfitojnë rreth 10 mijë qytetarë.

Për herë të parë, këtë vit përfshimë në rimbursim edhe materialet mjekësore dhe e filluam me rimbursimin e plotë të fishave të diabetit për femijët 0-18 vjeç, duke i kursyer çdo familjeje që ka 1 femijë me diabet, 1.2 milion lekë në vit që i shpenzonte vetëm për fishat.

Mbetemi të angazhuar për zbatimin me përpikmëri të VKM për LBR 2018, e cila tashmë është në dispozicion të qytetarëve dhe subjekteve të