E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Tronditi skenën politike/ Kërkohet “koka” e Hajdarmatajt

24 Prill 2018, 12:59, Aktualitet CNA

Sistemi gjyqësor dhe ai prokurorial konsiderohet themeli i një shteti. Kjo thënie do të shkonte më shumë për shtat në rast se këto institucione do të funksionin në mënyrë të pavarur, të pandikuara nga politika dhe pa rënë pre e presionit të politikanëve.

Çdo ditë në media lakohen emra politikanësh që dyshohen për vepra të ndryshme kriminale, ndërkaq, mungojnë hetimet për ta.

Të paktën deri më tani dihet se zyrtarisht nën hetime është vetëm deputeti apo ish-ministri i Brendshëm Saimir Tahiri.

Ndonëse ende nuk ka asgjë të re për këtë rast dhe është Gjykata ajo që thotë fjalën përfundimtare, prokurorët e çështjes u kryqëzuan nga politika.

Në vend që të fliste gjykata, përfundimet dolën nga kampet politike.

Kreun e Prokurorisë për Krime të Rënda, Besim Hajdarmataj, i cili ka firmosur hapjen e hetimeve për rastin në fjalë, politika e ?shkarkoi? nga detyra, disa ditë pasi kryeprokurorja e përkohshme Arta Marku mori detyrën.

Mirëpo kjo e fundit, u kundërpërgjigj, duke i dhënë mbështetje Hajdarmajt për rastet e ndjeshme që Krimet e Rënda kishin në duar.

Ndërkaq, presionet nga politika edhe pse indirekt nuk munguan.

Kreu i Ministrisë së Brendshme Fatmir Xhafaj, para pak ditësh, me anë të një letre i kërkoi kryeprokurorit të Krimeve të Rënda që të thërrasë kryetarin e Partisë Demokratike Lulzim Basha dhe deputetin Sali Berisha, me pretekstin se ata janë persona që kanë dijeni lidhur me poseduesit e ngarkesës prej 613 kg kokainë në Durrës.
Ministri Fatmir Xhafaj nuk ka kompetenca për të urdhëruar Prokurorinë për hapje apo thellim hetimesh dhe në këtë mënyrë ky reagim i tij, s’është gjë tjetër veçse presion ndaj Prokurorisë, për të mos i lejuar ata që të kryejnë punën e tyre.

Së fundmi edhe kryeministri Edi Rama, ka dalë në media duke ushtruar presion të hapur ndaj Prokurorisë së Krimeve të Rënda.

Gjatë një konference për shtyp me zyrtaren e lartë të BE-së, Federika Mogherini, Rama, duke marrë rolin e kryeprokurorit, ka kërkuar nga Prokuroria prova për rastin e Saimir Tahirit.

Por, kreu i Prokurorisë së Krimeve të Rënda, këto reagime, nuk i klasifikon tek presionet apo kërcënimet.

?Ju bëjmë me dije se, në asnjë rast ndaj Drejtuesit të Prokurorisë, pranë Gjykatës së Shkallës së Parë për Krime të Rënda, nuk ka patur kërcënime të çfarëdo lloj forme ndaj tij personalisht apo anëtarëve të familjes së tij?, thuhet në përgjigjen e Prokurorisë së Krimeve të Rënda dhënë për CNA.al.