E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Avokati i Nazer Seitajt paralajmëron gazetarin/ Ja si kundërpërgjigjet Basir Çollaku

24 Prill 2018, 20:44, Aktualitet CNA

Gjithçka ka lajmëruar gazetari Basir Çollaku, lidhur me pozicionin e Nazer Seitajt në raportin me drejtësinë italiane është “Fake News”, ndaj i bëj thirrje nëpërmjet jush të ndërpresë çdo lloj informacioni. Në të kundërt do të përballet me hedhjen në gjyq…

Njeriu që ka artikuluar frazat me këtë përmbajtje është gazetarja e emisionit “360 gradë” në Romë, Alba Kepi, e cila në pjesën e tretë të emisionit me temë:” “Kryeministri në trekëndëshin Uashington-Bruksel-Berlin”, dedikuar çështjes Seitaj, ka ndërhyrë duke sqaruar se informacioni që Çollaku ka shpërndarë, lidhur me mbajtjen e një seance pyetjesh ditën e sotme në Katania nuk ka qenë i vërtetë.

“Unë kam zhvilluar një bisedë sot në mbrëmjen me avokatin e Nezar Seitajt, njëkohësisht avokati i Moisi Habilajt. Më kërkoi të informoj zt. Basri Çollakut që të mos përhapin “fake news” pasi ai dhe familja e zt.Seitaj po përgatisin një paralajmërim për denoncim për shpifje për lajmin e përhapur sot. Ai ma ka kërkuar personalisht”, ka thenë Kepi.

Sipas gazetares, momentalisht Nazer Seitaj ndodhet në Romë dhe jo në Katania. Nuk ka patur asnjë plan për marrjen e tij në pyetje ditën e sotme dhe shpallja e tij si i penduar i drejtësisë italiane jo vetëm është etiketim i pavërtetë por me pasoja për familjen e tij që, momentalisht, ndodhet në Itali.

“Të përhapësh lajmin se ai është bashkëpunëtor i drejtësisë italiane do të thotë të vësh në rrezik jetën e tyre. Familjarët janë të shqetësuar”m ka këmbëngulur gazetarja Kepi në raportimin e saj nga Roma.

Pas kësaj, i menjëhershëm ka qenë reagimi i gazetarit, i cili, pasi ka kundërshtuar gjithsa ka pretenduar kolegia e tij e autorizuar, ka këmbëngulur në vërtetësinë e gjithçkaje ai ka lajmëruar.

Nuk i heq asnjë presje gjithçkaje kam deklaruar. Loja është madhe dhe kërcenimet ndaj gazetarëve dhe gjithë atyre që tentojnë të informojnë janë pjesë e kësaj loje. Kur ti shkohet deri në fund do të shihni sa të vërteta kanë qenë informacionet e mia, ka qenë thelbi i deklarimit të gazetarit Çollaku, i cili në ligjëratë të drejtë është shprehur:.

“Ky presion më ka ardhur edhe mua mesnatën e mbrëmshme… Le të mos shkojmë tek kërcënimi, por në atë vorbull. Nga dita e djeshme deri më sot shihni njerëzit që udhëtojnë në Rinas dhe çfarë lidhje kanë me këtë grup. Le ta bëjë policia një verifikim. Unë kam folur me dokumente dhe me dokumente do të flas prapë. Unë nuk fshij asnjë fjalë nga gjërat që kam thënë. Sigurisht që kjo është një betejë mafioze dhe unë e mirëpres dhe e di se deri ku shkon, kush janë personazhet, kush janë njerëzit që kanë bërë presion. Këta mafiozë që kanë miliona euro nëpër duar. Mund të kërcënojnë me dhjetëra gazetarë në Shqipëri. Këto kanë filluar prej 4 vitesh. / CNA.al