web counter
LEXO PA REKLAMA!

SHKARKO APP

App Store
Google Play

Kush duhet besuar Kryeministri, Ambasada gjermane apo Presidenti

20 Prill 2018, 19:39, Aktualitet CNA

Tre deklarata të ndryshme janë lëshuar ditën e sotme lidhur me kohën e liberalizimit të vizave të kosovarëve pas miratimit të marrëveshjes së kufirit me Malin e Zi dhe publikimit të projekt raportit të Progresit të BE.

E para deklaratë ka ardhur nga kryeministri Ramush Haradinaj, i cili në seancën e sotme plenare të Kuvendit, ku po flitej për Raportin e Progresit të BE për Kosovën, përcaktoi parafillimin e pushimeve verore si afat kohor për liberazimin e vizave.

Pas tij ishte Ambasada e Gjermanisë në Kosovë, që duke folur po për të njejtat çështje, pra për Raportin e Progresit për Kosovën, ndërsa vlerësoi që ky raport flet për hapat që Kosova duhet të marr me qëllim që të integrohet në BE, përmendi edhe kushtet që duhet të plotësojë qeveria për liberalizmin e vizave.

Sipas  Ambasadës luftimi i korrupsionit dhe krimit të organizuar janë kriteret e mbetura për të realizuar liberalizim e vizave dhe lëvizjen e lirë të kosovarëve.
“Ne shpresojmë që institucionet e Kosovës po punojnë shumë për të përmirësuar këtë histori, në mënyrë që Komisioni Europian së shpejti të mund të përmbushë këtë kriter të fundit?, thekson Ambasada, duke lenë të hapur njesinë kohore.

Ndërkohë, po sot, presidenti i Kosovës, Hashim Thaçi, pas takimit me krerët e institucioneve kryesore të drejtësisë dhe sigurisë, ka shkruar në llogarinë e tij në Facebook se është rivërtetuar se Kosova i ka plotësuar të gjitha kushtet për liberalizimin e vizave.

?Sot diskutova për mekanizmin përcjellës që vlerëson të arriturat e Kosovës në fushën e luftimit të korrupsionit dhe krimit të organizuar si kusht për liberalizimin e vizave. Në këtë takim u evidentuan të arriturat konkrete dhe u vërtetua edhe një herë se Kosova tashmë i ka përmbushur të gjitha kriteret për liberalizimin e vizave?, shkruanm ndër të tjera Thaçi./CNA.al





Lajmet e fundit nga