Skema e TVSH –së, për biznesin e vogël/ Ahmetaj tregon lehtësirat fiskale

15 Prill 2018, 11:50, Aktualitet CNA

Ministri i Financav e dhe Ekonomisë Arben Ahmetaj është takuar sot me përfaqësues të biznesit të vogël në Shkodër.

Ahmetaj i ka sqaruar ata, në lidhje me përfshirjen e skemës së TVSH ?së.

?Sot jemi rreth dy javë pasi detyrimi për deklarim ka hyrë në fuqi dhe fakti që nuk ka asnjë ndryshim në çmime, është në referencë të plotë të besimit të asaj që kemi thënë muaj e muaj, që nuk do të ketë ndryshim dhe rritje çmimesh. Përtej kësaj, deklarimi nuk është taksë, por është procedurë?, ka thënë Ahmetaj.

Ai ka treguar se TVSH është një taksë e vendosur në vitin 1996 në masën 20% dhe nuk ka ndryshuar asnjëherë.

?Kemi diskutuar a do të ketë kosto? Ka filluar diskutimi deri tek ?do marrim kontabilist dhe do të paguajmë?, e të tjera, e të tjera. Zero kosto! Madje po ju them që në bazë të procedurës që është aq e thjeshtëzuar, do të jetë thjesht plotësim i katër kutive. Më thoni një sipërmarrje të vogël, sado e thjeshtë të jetë, që nuk e di se çfarë ka në inventar? Ditën e parë, ky inventar, pra skanimi i këtij inventari e ndihmon të deklarojë dhe madje të dalë me TVSH të kreditueshme dhe më vonë, edhe të pagueshme, sepse do të ketë mundësi që të deklarojë dhe shpenzime të bëra për drita, për ujë, për qira, apo edhe për punëtorët?, ka thënë më tej ministri i Ekonomisë.

Sipas Ahmetajt, qëllimi i këtij ndryshimi nuk është mbledhja e të ardhurave nga biznesi i vogël, por fokusi i qeverisë mbetet biznesi i madh.

?Në të gjithë totalin e TVSH-së që mbledhim ne, 99.2% vjen nga biznesi i madh, 99.2%. Vetëm një pjesë shumë e vogël (0.08%) vjen nga biznesi i vogël 5 deri në 8 milionë lekë xhiro. Si mendoni ju, që ne bëjmë një procedurë për të fokusuar ato burime jo të mëdha e jo të shumta që kemi, tek biznese që nuk kanë çfarë të japin për shkak të logjikës dhe natyrës së transaksionit, apo do fokusohemi tek biznesi i madh, i cili jep 99.2% të totalit të TVSH-së?, ka thënë ai.

Më tej Ahmetaj është ndalur tek hapja e negociatave për anëtarësimin e Shqipërisë në BE.

?Dua t?i referohem datës 17 prill, një ditë e rëndësishme për aspiratën e çdo qytetari, i punësuar, në sipërmarrje, në administratë, në shkollë, student, i ri, e re, i vjetër, gjithë shqiptaret, në krahun e majtë, në krahun e djathtë, është një ëndërr ndër vite për t?u bërë pjesë e Europës. Pjesë e Europës bëhesh duke qenë qytetar dinjitoz, duke paguar taksat, duke qenë i përgjegjshëm dhe është detyra jonë, detyra e qeverisë që të lehtësojë çdo ditë e më shumë proçedurat, të lehtësojë çdo ditë e më shumë barrën fiskale dhe të bëjë të mundur nëpërmjet politikave të veta që shoqëria, ekonomia dhe sipërmarrja të krijojnë gjithmonë e më shumë vende pune?, ka përfunduar Ahmetaj./CNA.al