Anulloi vizitën në Shkodër/ Këlliçi: Edi Ramën ta nisim në azil politik!

14 Prill 2018, 18:58, Aktualitet CNA

Pas anullimit të vizitës së kryministrit Edi Rama, në Shkodër, sikurse pretendohet nga forcat opozitare, ka reaguar kreu i FRPD-së, Belind Këlliçi.

Këlliçi shprehet se pas anullimit të kësaj vizite, Ramës do t?i duhet të lërë Shqipërinë, pasi e ka bërë vendin të pajetueshëm nga të riunjtë, të cilët largohen çdo ditë, pasi nuk kanë alternativa.

?Frikacaku sot anulloi vizitën në Shkodër, por së shpejti do i duhet ta lërë dhe Shqipërinë.

Çdo ditë e më shumë për të rinjtë shqiptarë po bëhet i vështirë qëndrimi në atdhe, pasi shpresat për të gjetur një vend pune pas studimeve janë venitur nga oligarkët e korrupsionit që sot bëjnë ligjin në vend.

Me diploma dhe kualifikime në duar, të rinjtë përballen vetëm me dyer institucionesh që u përplasen në fytyrë pasi kanë kriter bazë teserën e partisë, ose biznese private ku pronarët në shumicën e rasteve janë trafikantë të lidhur me qeverinë që u ofrojnë paga minimale, në një vend ku taksat dhe çmimet rriten jashtë çdo logjike ekonomike.

Edi Ramën të gjithë e mbajnë mend për batutat tallëse me të rinjtë të tipit: ?Pse rrini në loto, pse nuk punoni, pse lyeni flokët me xhel, pse rrini në kafe, dhe me pretendimin se punë ka por nuk paska profesionistë?, por tash 5 vjet askush s?ka dëgjuar për një nismë të tij punësimi apo arsimimi për të rinjë.

Ndërkohë kur e pyesin nëse qeveria ka ndonjë strategji për të penguar largimin e të rinjve nga vendi dhe hapjen e vendeve të reja të punës, ai vetëm fajëson gjithkënd e fajin e ka gjithkush veç tij.

Edi Rama duhet ta dijë mirë se forca e rinisë ka rrëzuar narkodiktatorë, teksa dje si frikacak kalibri që është, na solli forcat e rendit për të shpërndarë protestën e të rinjve në Surrel, që kishin vendosur në mënyrë simbolike një tra për ta penguar të hyjë në sarajet e tij 1 milionë dollarëshe.

Sot Edi Rama anulloi vizitën në Shkodër sepse Kukësi dhe rinia i kanë futur lepurin në bark. Ai e di mirë tashmë se sot në zemërim, mjerim dhe urrejtje ndaj tij për politikën e vjedhjes, varfërisë, kriminalizimit dhe papunësisë, është çdo kuksian, çdo i ri e çdo qytetar i vendit?.

Në përfundim Këlliçi shkruan se për Ramën nuk do të jetë më qetësi deri në largimin e tij.

?Për Edi Ramën nuk do të ketë më qetësi. Ai sëbashku me shpurën e tij do të përballet çdo ditë me protestat e atyre të rinjve që e duan këtë vend dhe nuk do ta braktisin për t?ju lënë terren të lirë bandave të qeverisë, injorantëve dhe kriminelëve. Shqipëria është e jona dhe ka ardhur koha që ne të qëndrojmë këtu dhe Edi Ramën ta nisim në azil politik!?. /CNA.al