E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Debatet për LGBT/ Shpërthen Nikollaj: Ja çfarë duan të dëgjojnë shqiptarët

7 Prill 2018, 18:35, Sociale CNA

Kreu i Konfederatës së Sindikatave të Shqipërisë, Kol Nikollaj nëpërmjet një deklarate për mediat ka reaguar në lidhje me debatet e fundit për komunitetin LGBT.

Nikollaj thekson se debate duhej të fokusohet jo të LGBT, port ë po tek ato probleme që shqiptarët po përballen që lidhen me ekonominë dhe çështjet sociale.

?Sa konsideratë kanë politikanët tanë për familjen këtë e dinë të gjithë, por këta ligjvënës përpara së të pompojnë debatin për LGBT, të lënë dashnorët që zunë pasi hipën në karrige e të rikthehen pranë familjeve të tyre.?- shkruan Nikollaj
Deklarata e plotë:

Fundshpina e LGBT-ve halli më i vogël i shqiptarëve, ata duan t?ju dëgjojnë për ekonominë.

Konstatoj me keqardhje se debati për LGBT po zë gjithnjë e më shumë hapësirë në mediat dhe portale, në një kohë që shqiptarët po përballen çdo ditë me probleme që lidhen me ekonominë dhe çështjet sociale.
Përfaqësuesit e shoqatave të LGBT, pasi kanë marrë fonde pa fund nga vendet e BE duan dhe një llokmë nga buxheti i shtetit dhe normalisht ata ndihen komod nga rihapja e kësaj, që për 99.9% të shqiptarëve nuk ka asnjë interes.
Ajo që nuk kuptoj është insistimi i disa politikanë, kryesisht të opozitës për të bërë protagonistin me deklarata populiste, të tipit familja është e shenjtë.
Sa konsideratë kanë politikanët tanë për familjen këtë e dinë të gjithë, por këta ligjvënës përpara së të pompojnë debatin për LGBT, të lënë dashnorët që zunë pasi hipën në karrige e të rikthehen pranë familjeve të tyre.
Gjithnjë e pak këta politikanë ?familjarë të devotshëm? flasin për ekonominë e cila shërben si bazë e një familje të fortë.
Punonjësit shqiptar sot nuk kanë kanë kontrata kolektive dhe janë të diskriminuar e kjo jo vetëm në fasoneri por edhe në kompani të rëndësishme. Këtë debat duhet të trajtojnë politikanët tanë
Ata detyrohen të firmosin kontrata fiktive, nuk u rrespketohet orari e nuk paguajnë shpërblime dhe orët shtesë.
Kam dëgjuar edhe Ministren e Arsimit që del e flet për këtë teme, e kjo është absurde kur arsimi shqiptar është në ditët më të vështira.
Zonja Ministre përpara se të flasë për LGBT të rishikojë kontratat kolektive që nuk zbatohen, të rishikojë se si fondet e Ministrisë së Arsimit shkojnë nëpër zyrat e OJF-që drejtohen nga pensionistë.
Ajo dhe vartëset e saj para së të mbrojnë projektet e LGBT-ve të marrë masa për sigurinë në shkolla që ka mbetur projekt në letër dhe për transportin e nxënësve që është i standardeve afrikane, ndonëse pagesat e prindërve janë të standardeve evropiane.
Sot më shumë se kurrë shqiptarë duan të dëgjojnë për ekonominë pasi kjo temë është shqetësimi kryesor.
Ata nuk duan të dëgjojnë nga Ahmetaj sa taksa të reja do kenë por sa vende punë do hapen, sa investitorë të huaj kanë ardhur për të investuar në këtë vend, kur do të rritet paga minimale, kur do ketë ulje të ushqimeve të shportës.
Minatorët presin përgjigje për statusin, 1200 naftëtarët e Ballshit duan të dinë kur do ta marrin djersën e tyre dhe kur do nisin punë pasi nuk kanë ç?farë u çojnë fëmijëve për të ngrëne.
Fundshpina e LGBT-së është hall personal i këtyre të fundit dhe jo i popullit të thjeshtë.