web counter
LEXO PA REKLAMA!

SHKARKO APP

App Store
Google Play

“Tarifa”,Gjiknuri: Dhuna i nxit nga Tirana/ Ja, kush do t’i paguajë dëmet

3 Prill 2018, 09:38, Aktualitet CNA

Ministri i Infrastrukturës dhe Energjisë, Damian Gjiknuri ka dalë sot para gazetarëve për të sqaruar edhe njëherë tarifën e vendosur në rrugën e Kombit.

Gjiknuri ka thënë se kontrata u përdor si sebep politik për të arritur objektiva të tjerë.

Pasi në kontratë parashikohet që, çdo banor i zonës së Kukësit, si përdoruesit i shpeshtë i Rrugës së Kombit, do të mund të përfitojë nga sistemi i aboneve dhe njëkohësisht të kontribuojë për mirëmbajtjen e rrugës dimër-verë, si edhe investimet mbrojtëse e plotësuese të saj.

?Shpreh keqradhjen për dhunën barbare që përdoret. Kjo dhunë u nxit nga zjarrvënësit e Tiranës, aty nuk ishte i gjithë populli i Kukësit, por një grup njerëzish i motivuar politikisht. Ishin njerëz me të kaluar kriminale dhe të nxitur nga politika. Duke mos ardhur në pushtet me votë kanë gjetur forma të tjera për të stabilizuar vendin?, ka thënë Gjiknuri.

Më tej ai ka treguar se po bëhet vlerësimi i dëmeve dhe të dhënat parparake, flasin për një dëm që shkon në miliona dollar dhe që do të paguhet nga taksapaguesit shqiptarë.

?Nga ana e Ministrisë së infrastruktrës dhe Energjisë sëbashku me koncensionarin, po bëjmë një vlerësim të dëmeve të shkaktuara në stacionin e tollimit.  dëmi është disa milion euro. Ky investim nuk duhet ngatërruar thjesht si një investim privat. Investimi  i takon publikut shqiptar dhe shtetit shqiptar. Gjithë dëmi i shkaktuar nuk iu bë një privati por iu bë taksapaguesve shqiptarë?, ka thënë më tej Gjiknuri.

Ky i fundit i ka kthyer përgjigje dhe pyetjes së këtyre ditëve se a mund të parandalohej ajo që ndodhi në rrugën e Kombit.

?Mbase duhej të ishtë bërë më shumë për informimin dhe konsultimin me publikun. Mund të ishte bërë një punë paraprake në muajt e fundit, por kjo nuk justifikon asnjë sjellje të këtij karakteri?, ka thënë Gjiknuri./CNA.al





Lajmet e fundit nga