web counter
LEXO PA REKLAMA!

SHKARKO APP

App Store
Google Play

Dy klandestinë lazaratas arrestohen në Xhamajka

3 Prill 2018, 19:59, Kronika CNA

Policia e Xhamajkës arrestoi dy klandestinë shqiptarë në Aeroportin ?Norman Manley?. Dy të rinj shqiptarë nga Lazarati Limoz Selimi 25 vjec dhe Ariana Hortaj 21 vjec u arrestuan, sepse ato po përpiqeshin të imbarkoheshin në një avion, që shkonte në Kanada, duke përdorur pasaporta amerikane të falsifikuara.

Dy të rinjtë kishin ardhur si turistë në Xhamajka dhe viza e tyre turistike vlente deri në mes të muajit mars. Ata kishin blerë 2 pasaporta amerikane të vjedhura, të cilave fotografitë origjinale u ishin zëvendësuar me fotot e dy të rinjve. Ata u dënuan nga gjykata me gjobë 100 000 dollarë ose në të kundërt me 6 muaj burg. Pritet që dy të rinjtë shqiptarë të deportohen për në Shqipëri.

Policët e Xhamajkës po bashkëpunojnë me kolegët amerikanë për të hetuar, nëse kjo është një përpjekje individuale e dy shqiptarëve apo pjesë e një grupi të strukturuar kriminal, që merret me futjen e klandestinëve në SHBA. Autoritetet amerikane dhe ato xhamajkjane po hetojnë edhe nëse dy të rinjtë kanë lidhje me një celulë vrasësish dhe narkotrafikantësh të radikalizuar islamikë bashkëfshatarë të tyre në Shqipëri. /GJERGJ THANASI /CNA.al





Lajmet e fundit nga