Basha në panik/ Pse zgjodhi dje të fliste për bashkim?

27 Mars 2018, 13:22, Aktualitet CNA

Kryetari i Partisë Demokratike, Lulzim Basha në një takim të zhvilluar dje me të persekutuarit politik ka bërë thirrje për bashkimin e PD-së, ndërsa ka shfaqur edhe një ?ndjesë? publike për gabimet e tij.

Drejtuar Tomor Alizotit, ish-drejtues i Departamentit të ish-të përndjekurve në PD, Basha u shpreh ?Eja Tomor! Ejani të gjithë ju dhe të bashkohemi në gjirin e PD, është vendi, është institucioni, është garancia e vetme për të drejtat e pa përmbushme?.

Por, pse Basha zgjodhi pikërisht këtë moment për të folur për bashkimin e PD-së?

Kjo tregon se kreu demokrat ndodhet në panik për shkak të uraganit të kritikëve, si dhe pas ?rrahjes? që ish-kryeministri Sali Berisha i bëri në mbledhjen e grupit parlamentar.

Kujtojmë këtu se rreth një javë më parë, në një mbledhje të grupit parlamentar të PD, ish-kryeministri dhe ish-kreu i PD, Sali Berisha ka ?kryqëzuar? Lulzim Bashën, në lidhje me lëvizjen dhe tentativën për të zhdukur nga kalendari i datave historike, 20 shkurtin.

Ashtu sikurse CNA.al e ka raportuar edhe një javë më parë, mësohet se Berisha ka folur gjatë në mbledhjen e grupit, ku ka shpjeguar simbolikën e asaj date si dhe arsyen pse është shpallur me vendim qeverie si simbolikë e persekutimit komunist.

Ish-kryeministri Berisha i është drejtuar me ton Lulzim Bashës, duke theksuar, se PD ka më shumë se dy vite që nuk e përkujton 20 shkurtin dhe nuk zhvillon asnjë aktivitet.

Gjithashtu edhe ish-nënkryetari i PD-së, Astrit Patozi dhe ish-ministri i Financave në qeverisjen e PD, Ridvan Bode pak kohë më parë zhvilluan një takim me demokratët në zonën e Korçës.

Ata kanë bërë një sërë takimesh me demokratët në Korçë, Pogradec dhe Devoll, qëllimi i të cilave ka qenë ngritja e një Lëvizje për Ringritjen e Partisë Demokratike.

Në një postim në rrjetet sociale, Patozi theksonte se edhe firmëtarë të tjerë kanë qenë pjesë e këtij turi që do të bëhet në të gjithë territorin shqiptar.

Gjithashtu ai theksoi se ka një bindje tek të gjithë se Partia Demokratike po humbet dita-ditës terren për shkak të drejtimit të gabuar, por gjithashtu siguron se ka një sinjal pozitiv se ky trend do të ndalet.

Të gjitha këto fakte kanë shkaktuar panik te Lulzim Basha dhe si për të ?shpëtuar?, ai kërkon një ndjesë publike ashtu sikur vetëm Basha di ta bëjë, sa për të larë duart si dhe bën thirrje për bashkimin e PD.

Kreu i PD funksionin në panik dhe kjo tregon gjendjen në të cilën ndodhet Lulzim Basha./ CNA.al