E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Agron Duka tregon aksionin e PAA-së për zgjedhjet e ardhshme

26 Mars 2018, 11:11, Aktualitet CNA

Kryetari i Partisë Agrare Ambietaliste, Agron Duka në një intervistë ekskluzive për CNA.al shprehet i sigurtë dhe është mjaft i qartë për aksionin e PAA në zgjedhjet e ardhshme. Ai shprehet se Partia Agrare Ambientaliste do të kandidojë në pjesën dërrmuese të këshillave bashkiakë.

Kandidimin për bashkitë ai e kushtëzon edhe me reformën zgjedhore, për të cilen ai shprehet se shpreson që të jetë pozitive.

Duka shpreson në arritjen e një marrëveshje produktive me PD-në, që do ti mundësojë një apo dy bashki PAA-së, por ai nuk përjashton mundësinë e konkurimit me siglën e PAA-së në Durrës.

I pyetur nga CNA.al për aleancen me Bashën, a do shkoni bashkë në zgjedhjet lokale, Duka tha se ?Sigurisht që aleanca me Bashën vazhdon, si pasojë e qëndresës sonë opozitare ndaj mazhorancës dhe në mënyrë konseguente me ato që kanë qenë qëndrimet tona për zgjedhjet, për politikat bujqësore dhe vizionin tonë për rendin dhe sigurinë. Por, ndryshe nga zgjedhjet e shkuara, në ato të 2019 Partia Agrare Ambientaliste synon të testojë forcën e saj dhe mbi të gjitha të ofrojë alternativën e saj për të gjitha ato bashki ku komponenti rural është i rëndësishëm.?

Kreu i Agrarëve ambientalistë, shprehet ?ne kemi ambicje për të përfaqësuar PAA-në në pjesën dërrmuese të këshillave bashkiak, jo vetëm sepse e kemi këtë kapacitet, por sepse zonat rurale, që i janë bashkangjitur bashkive, janë të papërfaqësuara. Është detyra jonë që në këto katërmbëdhjetë muaj të ngremë kapacitetet e PAA-së në nivelin e e pritshmërive që krijuam përpara zgjedhjeve të shkuara. Më andej, duke matur edhe integritetin e qëndrimeve të aleatëve tanë, vullnetin për të kryer një reformë zgjedhore realisht pozitive, propozimet e tyre mbi alternativën e qeverisjes në pushtetin vendor, do të zgjedhim formulat e bashkëpunimit.

Pyetjes a do kandidojë Agron Duka si kandidat për kryebashkiak në Durrës sikurse pritej në vitin 2015, ai i përgjigjet ?Është vonë për të folur për kandidimin tim të vitit 2015, dhe herët për të folur për atë të vitit 2019, sepse jemi në një kontekst tjetër. Une kam besim ne arritjen e nje marreveshje produktive me Partine Demokratike dhe PAA do te kete mundesine te garoje per nje apo dy bashki .Gjithsesi nuk e përjashtoj si mundësi sepse do të ishte një krenari konkurimi me siglën e PAA-së në Durrës. Deri atëherë do të punojmë fortë për të ngritur infrastrukturën e nevojshme për të përballuar zgjedhjet.?- përfundon kryetari i PAA-së prononcimin e tij./ CNA.al