web counter
LEXO PA REKLAMA!

SHKARKO APP

App Store
Google Play

Demarkacioni ende s’ka përfunduar/ Raporti i Bulliqit mund t’i komplikojë gjërat

24 Mars 2018, 19:09, Aktualitet CNA

Kur u duk se miratimi në Kuvend, ditën e mërkurë i marrëveshjes së Demarkacionit Kosovë-Mali i Zi e mbylli kapitullin e mbetur hapur për rreth tre vite, një tjetër avaz e rrezikon atë.

Duke i bërë karshillëk maxhorancës qeverisëse dhe euforisë së kryeministrit Haradinaj, Lëvizja VetëVendosje i është kundërpërgjigjur me deklarimin e shpënies së Marrëveshjes në Gjykatën Kushtetuese.

I ndodhur në eventin e 20 vjetorit të “Epopesë së Dukagjinit” kryeministri i Kosovës, Ramush Haradinaj, tha sot në Gllogjan se votimi i Marrëveshjes së demarkacionit në Kuvend, nuk është bërë për mashtrime, por ajo është bërë për lëvizje të lirë të qytetarëve.

?Ka filluar mijëvjeçari ynë, i shqiptarëve, jemi në shekullin e parë, jemi në nisje, jemi në liri dhe jemi duke u takuar e bashkuar me familjen tonë të popujve të lirë. Në këtë rrugë do të ketë ulje e ngritje, por ne nuk do të ndalemi se e dimë se ku jemi nisur?, theksoi Haradinaj.

Nga ana tjetër, zyrtarët e subjektit politik Lëvizja Vetëvendosje i thanë radios “Evropa e Lirë”, se Marrëveshjen e ratifikuar për Demarkacionin me Malin e Zi, do ta dërgojnë në Gjykatën Kushtetuese.

Ata thanë se një veprim i tillë erdhi për shkak se me votën e deputetëve është cenuar rëndë integriteti territorial i Kosovës. Ali Lajçi, deputet i Kuvendit të Kosovës nga radhët e VetëVendosjes, tha se sakaq është përgatirur lënda dhe kjo çështje është në proces dhe se brenda afateve kohore, ajo do të dërgohet në Gjykatë…/CNA.al





Lajmet e fundit nga