E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Kreu i PD-së shpërthen kundër LSI-së/ Është gjysma e keqe e këtij vendi

23 Mars 2018, 09:29, Aktualitet CNA

Pasi katër këshilltarë të LSI në Këshillin Bashkiak në Shkodër lajmëruan bashkimin e tyre me Partinë Socialiste, ka reaguar kreu i PD-së në Shkodër, Ramiz Çobaj.

Në një postim në faqen e tij në rrjetet sociale, Çobaj ka sulmuar ashpër LSI-në, ndërsa e ka cilësuar si gjysmën e së keqes së këtij vendi, ndërsa gjysma tjetër e së keqes, sipas tij, është PS.

Po ashtu Çobaj i cilëson edhe si qesharakë këshilltarët e LSI, ndërsa shkruan ?Aman, mos u bëni qesharakë me këto deklarata, por gëzojuni atyre benefiteve të premtuara e mos u merrni me PD, e cila ka qenë, është dhe do mbetet shpresa e madhe e shqiptarëve.?

Postimi i plotë:

?Gaztorët e Shkodres?

4 këshilltarë të Këshillit Bashkiak Shkodër, deklaruan se largohen nga Levizja Socialiste për Integrim duke iu bashkuar Partisë Socialiste.

Deri këtu nuk shoh ndonjë çudi sepse brenda shtëpisë janë dhe dy forcat që përfaqësonin apo që duan të përfaqsojnë sot e tutje, dy gjysmat e një të keqe janë?

Por kur deklarojnë se ?Për fat të keq LSI dhe PD lanë pas krahëve ëndrrën e shkodranëve dhe të gjithë shqiptarëve, duke u investuar në një kthim të fuqishëm kursi nga e shkuara dhe jo nga e ardhmja??, ata bëhen gaztorët e Shkodres.

?Keni ngatërruar rresht? o keshilltarë, sepse Shkodres dhe shqiptarëve po ua rikujton të kaluarën me fjalë e me vepra koalicioni ku ishit dhe ku pretendoni se po shkoni (PS &LSI), që ne fakt nuk po shkoni askund, por aty ku ishit?

Sipas këtyre keshilltarëve e ardhmja e tyre dhe e Shkodres qenka PS-ja me sekretarin e I-rë të PPSH Gramoz Ruçi, me djalin e antarit të KQPPSH dhe Presidiumit të Kuvendit Popullor Edvin Ramen, me djalin e sekretarit I-rë të PPSH-së Ditmir Bushati e shumë e shumë të tjerë? qesharake?

Aman, mos u bëni qesharakë me këto deklarata, por gëzojuni atyre benefiteve të premtuara e mos u merrni me PD, e cila ka qenë, është dhe do mbetet shpresa e madhe e shqiptarëve.

Ishit në varkën e gabuar dhe hipët po në varkën e gabuar?.