E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Ish-dhjetoristi shpërthen kundër Bashës: Ja çfarë fshihet pas tentativës për shfuqizimin e “20 shkurtit”

21 Mars 2018, 09:22, Aktualitet CNA

Një prej protagonistëve të Lëvizjes së Dhjetorit dhe rrëzimit të bustit të Enver Hoxhës më 20 shkurt 1991, Fatmir Merkoçi e cilëson tentativën e PD për të hequr këtë datë përkujtimore, si një lëvizje të iniciuar nga kryetari Basha.

Në një prononcim për gazetën Sot, ai ka deklaruar se kërkesa drejtuar Kuvendit nuk ishte gjë tjetër veçse paçavure.

?Në momentin e parë mu duk një lajthitje nga ana e firmëtarëve. Por në situatën që ndodhet Kryetari i PD, duket qartazi se kjo lëvizje është iniciativë e vetë Lulzim Bashës. Të heqësh datën simbol të shqiptarëve, do të thotë, të dalësh haptazi kundër tyre. Por ajo që është më trishtuesja. Lulzim Basha sot ka një akuzë publike për financim nga ana e segmenteve ruse.

Për tu bërë i besueshëm në atë që thotë, z. Basha zgjodhi 20 shkurtin për ta zëvendësuar me 26 shkurtin, ditën e pushkatimit të intelektualëve. Por duke mos njohur historinë, si Lulzim Basha dhe ata që firmosën këtë paçavure. Harruan se vendimi për arrestimin dhe pushkatimin e tyre u mor pikërisht më 20 shkurt 1951. Disi rastësore kjo datë. Pra diktatori që mori atë vendim dhe bashkë me të dhe diktatura, morën ndëshkimin e një populli pikërisht më 20 shkurt 1991. Këtë propozim, Lulzim Basha nuk do guxonte ta merrte nëse PD do ishte vërtet partia e vlerave dhe kontributeve?, tha ai.

Merkoçi ka deklaruar më tej se Genc Pollo dhe Edi Paloka janë të dy me kontribut në demokraci, por sipas tij, është e vështirë t?i shohësh teksa luajnë rolin e harresës. ?Nga firmëtarët, ndjeva keqardhje si për Edi Palokën ashtu dhe për Genc Pollon. Kjo për arsyen e thjeshtë, Paloka ka qenë student i dhjetorit. Ndërsa Pollo ka qenë prezent kur 20 shkurti u tentua të spostohej në Vlorë. Të dy e njohin mjaft mirë ngjarjen dhe protagonistët, por gjithmonë kanë luajtur rolin e harresës. Sot, të paktën këta të dy duhet të kërkojnë falje publike. Pa përfshirë Lulzim Bashën i cili përveç faljes publike. Duhet të japë dhe shpjegimet e tija për këtë mostër propozim?, tha ai. Merkoçi ka folur dhe për situatën sot në PD dhe faktin se ajo po i shmang përkujtimet e datave që simbolizojnë rrëzimin e diktaturës. ?Ardhjen e Bashës në krye të PD, shumëkush e pa si një frymë të re.

Fjalimet e tija, si dhe deklaratat e shpeshta, jepnin një shpresë për ringritjen e PD. Por u vërtetua shumë shpejt. Lulzim Basha nuk ishte nga ata drejtues të cilët mbanin premtimet e bëra. Kjo ka dhe një arsye. Z. Basha, çdo gjë e ka dhuratë në PD. Kontributi i tij është zero. Sot Basha quhet Lider i PD apo opozitës në saj të emërimit. Lider të emërojnë ose bëhesh. Basha mbetet një lider i emëruar, si i tillë. Ai nuk mundet të përfaqësoj idealet e PD-së të cilat janë idealet e një populli. Që Basha doli hapur kundër idealeve të vetë partisë, ishte momenti kur, firmosi marrëveshjen me Ramën, bashkëqeverisi me të dhe i dha fitoren plebishitare Ramës, duke detyruar 250 000 votues të braktisnin kutitë e votimit. Partia Demokratike u krijua si parti vlerash e kontributesh e jo si parti klienteliste?, vijoi ai.