web counter
LEXO PA REKLAMA!

SHKARKO APP

App Store
Google Play

Rama përplasje me ambasadorin Lu për Ilir Beqajn/ Organet ligjzbatuese në vështirësi hetimi

24 Shkurt 2018, 18:13, Denoncim CNA

Ish ministra dhe drejtorë, të cilët pavarësisht se janë të akuzuar për afera të ndryshme korruptive, kryeministri Edi Rama i ngre në detyrë apo dhe i transferon në detyra të tjera më të rëndësishme, duke venë në vështirësi institucionet ligjzbatuese.

Kjo është një ndër fragmentet e publikimit të bërë nga “Pamfleti.com”, nga i cili mësohet se Rama ka pasur përplasje me ambasadorin amerikan Donald Lu, pasi SHBA ka kërkuar me insistim dënimin pa dallim të ?peshqve të mëdhenj? të korrupsionit në Shqipëri.

Por Rama nuk e ?lëshon? Ilir Beqjen dhe asnjë nga njerëzit e tij të përfshirë në korrupsion. Duke refuzuar dhe duke vënë në pozitë të vështirë dhe organet ligjzbatuese në Shqipëri, të cilat tashmë që Vettingu është në prag dhe reforma në drejtësi në zbatim, e kanë të vështirë të bëjnë goditje selektive.

Kjo situatë, vijon “Pamfleti”: e ka detyruar ambasadën e SHBA që të paralajmërojë disa herë publikisht një qëndrim të ashpër. Mes të cilit është dhe deklarata e ditës së enjte e ambasadës së SHBA kur nënvizon publikisht se:

?Qeveria e Shteteve të Bashkuara të Amerikës është gati të bashkëpunojë me çdo hetim të zyrtarëve të lartë të korruptuar?. Një deklaratë e qartë dhe mbështetëse për Prokurorinë që është stepur nga refuzimi i Ramës për të ?dorëzuar? njerëzit e tij të korruptuar. Por kjo tregon edhe njëherë vendosmërinë e Uashingtonit për të luftuar korrupsionin, e mbi të gjitha rastet ku janë të përfshirë ?peshqit e mëdhenj?. Çka mund të zgjidhet tashmë duke goditur madje dhe kokën e qeverisë, citohet në publikimin e “pamfleti.com”.





Lajmet e fundit nga