Shqiptarët patriotë në Kretë dhe ministri kuisling në Tiranë

30 Janar 2018, 09:43, Aktualitet CNA

Shqiptarët patriotë në Kretë, ndonëse emigrantë pra si të thuash në mëshirë te arbitraritetit ë autoriteteve greke patën aq guxim sa dy prej fëmijve të vet t?i vishnin me T Shirt me mbishkrimet ?Albania? dhe ?Autochtonos? (historia e dronit në stadiumin e Beogradit). Sic shikohet në foto përdorimi i të tilla T-Shirts është bërë me qëllim sfide gjatë një ceremonie zyrtare për hapjen e shkollës shqip në Kretë. Në ceremoni ka marrë pjesë edhe një diplomat shqiptar nga Athina, të cilit ju tërhoq vërejtje për këto T-shirts nga ministri zeza e punëve të jashtme të Shqipërisë në shërbim të Greqisë!

Foto të tilla sfiduese ua bënë nervat kacurrel autoriteteve greke, që nga ?Dhimarkia? (pushteti lokal) te Astinomia (policia)! Spiunve të EYP-it ju hap një ?front? i ri pune në zemër të Kretës. Ndër gjithë grekët, gjiritllinjtë e Kretës janë më të egrit, më të pagëdhendurit, ndoshta edhe më trima se maniotët në shumicë arvanitas! Në mes të gjiritllinjve djemtë shqiptarë veshin të tilla bluza dhe publikisht shprehen krenarë, që janë shqiptarë. Mendjet e mykura jo vetëm të autoriteteve greke por edhe të shtypit grek të KAZANIT (neologjizëm kjo e kryeministrit Edvin) u pataksën e në kor dhanë alarmin për mbërritjen e ?Shqipërisë së Madhe? në Kretë (Sic!).

Këta janë emigrantët patriotë shqiptarë!

Në Tiranë

kemi një ministër kusiling, që sipas biznesmenit Leonard Koka është edhe ngrënës i pangopur bananesh braziliane! Ky ministri njëlloj si shefi i vet z. Edvin, pasi bërë trimin e madh dhe palikarin e shquar në përplasje me grekët për turp të Zotit në bisedimet për koincidencë po në Kretë i zbathi benevrekët dhe me uzaqis e me buzuk u vëllazërua me homologun e vet grek. Madje edhe vallen e famshme greke ?Karaguna? e ndau për gjysëm me ministrin Kocias. Ky i yni morri sipas preferencës gjysmën e parë dhe Kociasi të dytën!!! Se cfarë u vendos në Kretë? Sa përfitoi apo sa humbi Shqipëria, nuk e morri vesh njeri? Takimi i Kretës ishte si historia e qemones së Nastradin Hoxhës, që ia dëgjon avazin sabajle! Nastradin ministrit Bushati dhe bisedimeve të tija po ia dëgjojmë avazin me zhvarrime eshtrash italiane për kockash palikari, me varrim të cështjesh came dhe natyrisht nesër edhe me ?delimitim?, falje, dhurim, shitje etj. etj të detit. Rama, që na e quajti Berishën tradhëtar për punën e Detit Jon, tashmë po imiton tradhëtarin Berishë, njëlloj si babuini që imiton vizitorin e kopshtit zologjik, kur ha karramele!

Për aq kohë sa të ketë emigrantë patriotë si këta shqiptarët në Kretë, Shqipëria ka shpresë, ka të ardhme, pavarësisht ministrave dhe kryeministrave kuislingë si ky banane ngrënësi Bushati apo si Edvini, i diplomuari mësues vizatimi për shkollat 8-vjecare./ GJERGJ THANASI