web counter
LEXO PA REKLAMA!

SHKARKO APP

App Store
Google Play

Marrëveshja Rama-Basha/ Kryemadhi mbron Lulin dhe kërkon...

29 Janar 2018, 20:33, Aktualitet CNA

Kryetarja e Lëvizjes Socialiste për Integrim, Monika Kryemadhi, e ftuar në studion e emisionit “5 pyetje nga Babaramo”, në televizionin Report Tv, i ka dalë në krah aleatit të saj në opozitë, Lulzim Basha, lidhur me marrëveshjen e 18 majit.

Sipas Monika Kryemadhit, ajo marrëveshje ishte e para mes të dyve, dhe Basha është i ri në politikë. Ajo tha se partia e saj e kishte pësuar disa herë nga marrëveshja me Edi Ramën. Më tej kryetarja e LSI tha se do t’ia kujtonte Bashës herë pas here nëse do të mendonte për një marrëveshje të re.

“Ishte marrëveshja e parë e Bashës me Ramën dhe Basha është më i ri në politikë. Mos të harrojmë se ne të tjerët e kemi ngrënë nga 4-5 herë nga marrëveshja me Edi Ramën”, – tha Kryemadhi, ndërsa shtoi se, “Nëse Basha do të mendojë për një tjetër marrëveshje, ne do t’ia kujtojmë sesi mund ta pësojë sërish”.

Më tej ajo u shpreh se mes PD-së dhe LSI-së do të kishte një bashkëqeverisja nëse duhet të rrëzohet Edi Rama.

Në vijim Kryemadhi e justifikoi Lulzim Bashën edhe për sulmet direkte ndaj LSI gjatë fushatës për zgjedhjet parlamentare të 25 qershorit.

“Ishte një strategji e gabuar e PD, për shkak të pasigurisë.”, – tha Kryemadhi. /CNA.al





Lajmet e fundit nga