Tirana përtej fasadave/ Në rrugën ku të “gllabërojnë” pusetat

9 Janar 2018, 10:55, Aktualitet CNA

Përtej propagandës së pandalshme Tirana ka njëmijë e një probleme. Në këtë kuadër (CNA) CityNews.al, ka hapur rubrikës ?Tirana përtej fasadave?, për të pasqyruar realitetin dhe fytyrën tjetër të metropolit shqiptar.

Një denoncim i mbërritur në redaksinë e CNA, pasqyron fytyrën tjetër të Tiranës, e cila është e dhimbshme, e mjerë dhe e shkatërruar.

Rruga e barrikadave, në afërsi të një blloku pallatesh prej muajsh është kthyer në kantier ndërtimi, duke u bërë kështu makth për banorët.

Ne tre- katër muaj janë bërë vetëm tre ?katër puseta. Për më tepër pusetat janë lënë të hapura, duke rrezikuar jetën e njerëzve, sepse ndodhen përpara hyrjeve të pallateve.

Ashtu siç shihet në foto, duke u lënë të hapura, pusetat, çdo ditë banorëve të zonës iu rrezikohet jeta, madje ka pasur raste ku kanë rënë fëmijë, të cilët janë dëmtuar.

Këto janë disa puseta, në të cilat mund të përfundosh sapo të dalësh nga dera e shtëpisë, nëse nuk je i vëmendshëm.

Përtej kësaj disa pusetave iu kanë vënë kapak druri, gjë që nuk e eliminon rrezikun për jetën e banorëve. Pavarësisht kapakëve të drurit, një burrë ka rënë dhe ka thyer këmbën.

Në një tjetër foto, shihet kabina elektrike, pranë të cilës është hapur një pusetë, duke bërë që kabina elektrike të pushtohet nga uji.

I bie rreth 3 muaj e mos më shumë punime, dhe ende nuk është bërë asgjë. Tek tuk shfaqet ndonjë punëtor dhe gjithë ditën e shtyn me një lopatë në dorë.

Kjo është Tirana tjetër përtej fasadës, që tregon se tenderat dhe investimet, të cilat duhen bërë në një kohë shumë më të shkurtër Bashkia iu shton volume dhe iu zgjat afatet kohore.

Nuk është rasti i parë në Tiranë, por është një nga shumë investimet që Bashkia në mënyrë korruptive iu gje anën që t ?ju rris volumin, ndërkohë që punimet janë të pakta dhe mund të realizohen për një periudhë dy apo tre muaj.

Banorët thanë për (CNA)CityNews.al, se iu rrezikohet jeta në ato puseta dhe se me ditë e javë të tëra nuk është punuar aspak.

?Shohim dy persona me lopatë që bëjnë sikur punojnë dhe nuk kryhet asnjë volum pune?, u shprehën ata.

Pusetat rrezikojnë jetët e njerëzve, ndërkohë aty pranë ndodhet edhe një kopsht, ku janë me dhjetra fëmijë.

Më tej banorët thonë, se nuk hyjnë e nuk dalin dot në lagje, balta iu ka pushtuar shtëpitë.

Pusetat e hapura janë kthyer në një shqetësim mjaft të madh për banorët zonës dhe jo vetëm, pasi kjo problematikë është mjaft e gjerë. Pyetja që shtrohet në këto raste është: “Po Bashkia ku është këtu?

Këto foto tregojnë qartë se pas propagandës të Erion Veliajt për punimet në Tiranë, qëndron edhe medalja tjetër, që përcjell anën e errët të metropolit shqiptar./CityNews