web counter
LEXO PA REKLAMA!

SHKARKO APP

App Store
Google Play

Xhafaj i vendosur të hakmerret ndaj Tahirit

8 Janar 2018, 13:14, Aktualitet CNA

Ministri i Brendshëm, Fatmir Xhafaj është i vendosur ti shkojë deri në fund “hakmarrjes” së tij ndaj ish-ministrit të Brendshëm, Saimir Tahiri.

Ashtu si vetë ka deklaruar në mënyrë konfidenciale, në kohën kur Saimir Tahiri ishte ministër i Brendshëm, se do ta shkatërronte sapo ti jepej rasti i parë, Xhafaj po e realizon me një axhendë të fortë dhe të përpiktë.

Fillimisht u shkarkuan 12 drejtorë të qarqeve që u ulën në tavolinë me Tahirin ditën që ai u lirua nga detyra.

Më pas largoi sekretarin e Përgjithshëm në ministrinë e Brendshme dhe së fundi liroi nga detyra drejtorin e përgjithshëm të Policisë së Shtetit, Haki Çako.

Pas shkarkimit të Çakos, Xhafaj tha sot se ?realizimi i objektivave të këtij mandati qeverisës, në fushën e rendit dhe sigurisë publike, sfidat që e presin Policinë e Shtetit, kërkojnë një ritëm më të shpejtë dhe dinamikë të madhe pune.?, por dinamikën policisë së Shtetit nuk ja jep vetëm drejtori.

Me sa duket Xhafaj, pas largimit të Çakos pritet të fillojë një tjetër goditje në drejtuesit e policisë në qarqe dhe komisariate, duke tentuar të shkërmoqë totalisht çdo njeri që njihet si person që ka pasur mbështetjen e ish-ministrit të Brendshëm, Saimir Tahiri.

Më pas Xhafaj do të tentojë të emërojë në këto struktura besnikët e tij për të marrë nën kontroll të plotë Policinë e Shtetit./ CityNews





Lajmet e fundit nga