web counter
LEXO PA REKLAMA!

SHKARKO APP

App Store
Google Play

E fundit!

x

Ministri ironizon LSI-në e Monika Kryemadhit/ Kushtetuta nuk mbrohet duke gjuajtur me çizme

8 Janar 2018, 21:11, Aktualitet CNA

Ministri për Evropë dhe Punët e Jashtme, Ditmir Bushati ka qenë prezentë  në emisionin “Tonight”, si temë e të cilit kanë qenë negociatat dhe opozita.

Në vlerësim të situatës Bushati tha se klima politike në vend ka pasoja për procesin e integrimit dhe se po tentohet për të minuar zbatimin e reformës në drejtësi. Ai foli edhe për zgjedhjen e kryeprokurores së re të vendit, duke nënvizuar se pretendimet e opozitës për mbrojtjen e Kushtetutës nuk bëhen as me flakadanë as duke hedhur çizme, duke ironizuar kështu reagimin e kryetares së LSI-së, Monika Kryemadhi, që në tërbim e sipër në seancën e Kuvendit ku u votua zgjedhje e Arta Markut si kryeprokurorim i vërviti çizmen kryeministrit Edi Rama.

“Besoj shqiptarët e kanë të qartë, qoftë ata që na kanë votuar ne dhe ata që kanë votuar opozitën. PS ka qenë shumë e qartë që në krye të herës në nevojën për një reformë tërësore në sistemin e drejtësisë. Është pjesë e planit të veprimit të Partneritetit Strategjik që kemi firmosur me Shtetet e Bashkuara. Për prokurorin e përgjithshëm nuk jam këtu për të bërë interpretimin tim. Kuvendi ka marrë një vendim që ka qenë i konsultuar qoftë me ekspertizën evropiane apo amerikane. Të gjithë ata palë që e kanë kundërshtuar zgjedhjen e kryeprokurores kanë mundësitë qoftë në Gjykatën Kushtetuese, apo instanca të tjera për të kundërshtuar këtë veprim. Betejat nuk bëhen për mënyrën si zgjidhet prokurori i përgjithshëm. Betejat për mbrojtjen e Kushtetutës nuk bëhen as me flakadanë as me çizme”, ka vlerësuar Ditmir Bushati.

 





Lajmet e fundit nga