web counter
LEXO PA REKLAMA!

SHKARKO APP

App Store
Google Play

Arta Marku kërkon të dhëna për pushtetarët e korruptuar/ SHISH i jep përgjimet

29 Dhjetor 2017, 08:41, Aktualitet CNA

Kryeprokurorja Arta Marku është vënë në lëvizje për të goditur bosët e krimit, por edhe prokurorët, gjyqtarët, si dhe pushtetarët e korruptuar. Pas kërkesës së ambasadorit Donald Lu për arrestime VIP, dje kryeprokurorja Marku ka vënë në lëvizje Shërbimin Informativ Shtetëror.

Rreth mesditës së djeshme, Marku ka zhvilluar një takim kokë më kokë me Helidon Bendon, kreun e SHISH. Edhe pse Presidenti Ilir Meta nuk e ka dekretuar ende emërimin e tij, duke qenë se Bendo është nënkryetar, ai ka marrë atributet e titullarit të institucionit.

Gjatë këtij takimi është diskutuar për luftën ndaj krimit dhe korrupsionit, si dhe sa u takon bosëve të krimit, zyrtarëve të lartë, ish-ministrave e politikanëve, apo edhe prokurorëve dhe gjyqtarëve të lidhur me krimin e korrupsioni. Ë

Sipas burimeve të gazetës, SOT, SHISH disponon përgjime për një sërë personalitetesh të lartë të shtetit, ndërkohë që këto të dhëna pas ikjes së Visho Likës nga Shërbimi Informativ Shtetëror, janë të aksesueshme nga organi i akuzës.

Pra me shumë gjasa, në pranverë shumë zyrtarë të lidhur me krimin e korrupsionin do të shkojnë pas hekurave.

Lu: Duhet të arrestohen ?peshqit e mëdhenj?

Ambasadori i SHBA në Tiranë, Donald Lu deklaroi pak ditë më parë se në fillim të vitit të ardhshëm pret që të ketë arrestime të zyrtareve të lartë në vend. Sipas Lu, në Shqipëri ka ardhur kohë të arrestohen ?peshqit e mëdhenj?.

?Ne në Amerikë kemi edhe një shprehje tjetër ?dreka falas nuk ekziston?. Nëse Amerika dhe vendet e BE-së do të vendosim burimet dhe besueshmërinë tonë në luftën kundër krimit të organizuar, ne presim rezultate. Çfarë presim? Presim që ky plan agresiv i qeverisë së Shqipërisë të përfundojë me arrestimin dhe ndjekjen penale të disa peshqve të mëdhenj në fillim të vitit të ardhshëm që ky sukses të vazhdojë në 2018 me SPAK dhe BKH. Partnerët ndërkombëtarë të Shqipërisë e presin këtë. Populli shqiptar e kërkon dhe e meriton këtë?, deklaroi Lu.





Lajmet e fundit nga