web counter
LEXO PA REKLAMA!

SHKARKO APP

App Store
Google Play

Video-Sekuestrohet 77 kg drogë/ Policia arreston në flagrancë fierakun  

19 Dhjetor 2017, 08:17, Aktualitet CNA

Policia ka bërë të mundur sekuestrimin e një sasie prej 77 kg lëndë narkotike, Cannabis Sativa si dhe arrestimin e një personi.

Mësohet se sekuestrimi i drogës ka ndodhur pas operacionit policor të koduar ?Ndjekja? në qytetin e Vlorës.

Specialistët e Seksionit kundër Narkotikëve në Drejtorinë Vendore të Policisë Vlorë, në kuadër të një hetimi për goditjen e rasteve të prodhim shitjes se lëndëve narkotike si edhe në bazë të informacioneve të siguruara në rrugë operative, ditën e djeshme në lagjen ?11 Janari? në hyrje të autostradës Vlorë-Fier, kanë konstatuar dhe goditur një rast të kësaj veprimtarie të kundërligjshme.

Lënda narkotike e llojit Cannabis Sativa e paketuar në 27 pako dhe e vendosur në çanta sporti, është gjetur në brëndësi të mjetit tip ?Opel?, i cili drejtohej nga shtetasi Renato Agalliu.

Pas peshimit përfundimtar, lënda narkotike ka rezultuar të jetë 77 kg. Në përfundim të veprimeve hetimore Policia ka bërë arrestimin në flagrancë të shtetasit: Renato Agalliu, 51 vjeç, banues në Fier.

Është sekuestruar në cilësinë e provës materiale, lënda narkotike dhe mjeti tip Opel. Po punohet për identifikimin dhe kapjen e të tjerë shtetasve të implikuar në këtë veprimtari kriminale.

Materialet hetimore iu referuan Prokurorisë së Rrethit Gjyqësor Vlorë, në ngarkim të shtetasit të mësipërm për veprime të mëtejshme/ CityNews





Lajmet e fundit nga