web counter
LEXO PA REKLAMA!

SHKARKO APP

App Store
Google Play

Deputeti i PD: Politikanët do bëjnë politikë, qytetarët të zbresin në fushë

18 Dhjetor 2017, 16:25, Aktualitet CNA

Pas protestave të organizuara nga opozita dhe reagimit të ambasadës amerikane në Tiranë, deputeti i Partisë Demokatike, Enkelejd Alibeaj, është shprehur në studion e lajmeve në ?Faxnews?, se është i çuditur nga reagimi i ambasadës, por ka theksuar se opozita do vazhdojë të përdorë çdo mjet politik për të respektuar Kushtetutën.

Sipas Alibeajt, zgjedhja e Prokurores së Përgjithshme të Përkohshme, Arta Marku, u bë nën dhunimin e Kushtetutës dhe ?sot Kryeministri u zgjodh dhe Kreyprokuror njëkohësisht. Ky njeri ka marrë të gjitha pushtetet në një dorë. Rama është rreziku që i kanoset çdo shqiptari?, ndërsa ka thënë se ky akt i konsumuar sot prek jo vetëm opozitën, por të gjithë shqiptarët.

Më tej deputeti është shprehur se procesi i zgjedhjes së Kryeprokurores është prova konkrete që tregon delegjitimimin e Parlamentit. Dhe ka vijuar të thotë se  opozita do të ndjekë të gjitha mjetet politike të mbrojtjes së Kushtetutës, ndërsa qytetarët janë të lirë të veprojnë sit ë duan.

?Rama do të mbyllë dosjen e Tahirit dhe ministrave të tjerë të implikuar në krim. I gjithë ky proces është antiligjor, antikushtetues dhe për pasojë jo i vlefshëm. Sot ka rënë përfundimisht edhe Parlamenti. Sot kemi një provë konkrete sesi u delegjitimua institucioni më i lartë politik i vendit, Parlamenti. Opozita do të ndjekë të gjitha mjetet politike të mbrojtjes së Kushtetutës, ndërsa shqiptarët janë të lirë të veprojnë në mënyrat e tyre. Publiku është i lirë të zbresë në fushë?, ka deklaruar Enlekejd Alibeaj. /CityNews





Lajmet e fundit nga