Ndërtimi i tre inceneratorëve/PD, lutje për Lefter Kokën

17 Dhjetor 2017, 11:40, Aktualitet CNA

PD ?ja i është rikthyer sërish sot çështjes së ndërtimit të tre fabrikave të plehrave.

Drejtuesja e Departamentit të Antikorrupsionit, në PD, Lealba Pelinku, ka thënë, se afera e ndërtimit të 3 fabrikave të djegies së plehrave në Elbasan, Fier dhe Tiranë me 178 milionë euro nuk është vetëm korrupsion në nivelet më të larta të qeverisë Rama, por edhe një dosje me shkelje të rënda penale.

?Procedura për djegësin e Elbasanit është modeli i shkeljes flagrante të ligjit për konçesionet dhe një hetim i pavarur do të çonte pas hekurave të burgut cilindo ministër që ka firmosur për të, duke nisur me Arben Ahmetajn.

Për dhënien me konçesion të inceneratorit të Elbasanit, ligji parashikon 3 procedura, por ato u shkelën të treja! Më kryesorja ndër to ishte anashkalimi i tenderit ndërkombëtar. Në vend të garës së hapur qeveria bëri blerje direkte me plot 22 milionë euro. Por jo vetëm kaq! Kompania fituese nuk kishte asnjë përvojë të ngjashme! Buxheti i saj ishte më pak se 1,000 USD!?, ëhstë shprehur Pelinku.

Sipas saj, pyetjet që rëndojnë përgjegjësinë penale janë:Pse nuk u publikua as njoftimi i garës,pse nuk u shpall fare procedura e ndjekur si dhepse nuk u shpall asnjë kriter ligjor dhe teknik për vlerësimin?

?Përgjigja është një! Sepse pas kompanisë që mori 22 milionë euro nga paratë e shqiptarëve për inceneratorin e Elbasanit qëndron Ministri i Financave Arben Ahmetaj, sigurisht, me dijeninë e kryeministrit Edi Rama! Shkelja e procedurave të konçesionit është vepër penale që dënohet me burg të gjatë për ministrat hajdutë!

Fabrika e djegies së plehrave në Elbasan është gjithashtu modeli i keqpërdorjes së qeverisë për interesat korruptivë të ministrave të Ramës?, ka deklaruar ajo.

Më tej Pelinku ka bërë të ditur edhe dokumentat tregojnë se brenda 24 orëve janë kryer 9 procedura, nga shpallja fituese deri tek miratimi i kontratës nga qeveria

?Me 16 Dhjetor 2014 kompania e Arben Ahmetajt u shpall fituese. Koha per ankimin u caktua brenda datës 16. Koha për shqyrtim ankese u mbyll brenda datës 16. Dergimi i draftit për mendim në ministritë e tjera brenda datës 16. ?Përgjigja me shkrim e komenteve nga ministritë e tjera erdhi brenda datës 16. Hartimi i kontratës me 40 faqe brenda datës 16. Negocim kontrate mes paleve brenda datës 16. Firmosje kontrate mes ministrisë së Mjedisit dhe kompanisë së Arben Ahmetajt brenda datës 16. Miratim kontrate në mbledhje qeverie me datën 17 Dhjetor 2014!

Për çdo shqiptar është e kuptueshme se gjithçka ka qenë e paracaktuar, që Arben Ahmetaj, me lejen e Edi Ramës, të marrë 22 milionë euro nga buxheti i shtetit për një fabrikë që do të helmojë ajrin në Elbasan. Ndërtimi i tre inceneratorëve është një nga aferat më të rënda të qeverisë Rama, prandaj i bëjmë thirrje ish ministrit Lefter Koka që të bëhet bashkëpunëtor i drejtësisë dhe të tregojë peshqit e mëdhenj që po vjedhin miliona euro duke dëmtuar shëndetin e qytetarëve.

Mbulimi i aferës korruptive të tre djegësve të plehrave është një motiv më shumë pse Edi Rama kërkon të kapë prokurorin e përgjithshëm.

Partia Demokratike fton qytetarët t?i bashkohen protestës kundër kapjes së drejtesisë nga kryeministri Rama.

Partia Demokratike fton Prokurorinë të fillojë pa frikë hetimin e kësaj afere për kryepeshqit e korrupsionit?, ka deklaruar Pelinku./Citynews