web counter
LEXO PA REKLAMA!

SHKARKO APP

App Store
Google Play

Llalla mbylli dosjet e krimit/ FBI i paraprin SPAK-ut, merr tre dosjet e para

14 Dhjetor 2017, 09:08, Aktualitet CNA

Deputetët, ministra, ish ministrat dhe gjyqtarët e prokurorët e korruptuar do të duhet të nisin të shqetësohen.

Për dy vite me radhë reforma në drejtësi u sulmua dhe anatemua me qëllim zvarritjen e saj, por askush nuk ia doli ta bllokojë.

Vetingu tashmë ka filluar, por me shumë interes pritet ngritja e Strukturës së Posaçme Antikorrupsion. Ligji për luftën ndaj korrupsionit i ka përcaktuar fare qartë afatet dhe më shumë gjasë në qershor SPAK do të marr jetë.

SPAK pritet  që të ndjekë shembullin e Kroacisë dhe të Rumanisë, ku ish kryeministra, kryetarë bashkie, deputetë dhe ish ministra sot janë në burg për shkak të aferave korruptive që kanë konsumuar.

Kryeprokurori Adriatik Llalla para se të largohej i mbylli të gjitha dosjet korruptive, duke shpëtuar nga drejtësia, shumë zyrtarë të lartë.

Me ngritjen e SPAK, shpresat janë tek rihapja e dosjes së Gërdecit, dosjes së aferës së rrugës Durrës-Kukës dhe asaj të 21 janarit. Por, që këto dosje të hapen duhen prova të reja.

Sipas gazetës Sot, Qeveria duket se ka një plan rezervë për të hapur disa dosje të tjera të ndjeshme, që kanë të bëjnë me krimin e organizuar dhe lidhjet me politikën.

Kështu mësohet se me ndihmën e FBI ?së, do të hapen dosje si ajo e vrasjes së  Artan Santos, apo ajo e ish deputetit Fatmir Xhindi dhe gjyqtarit Skerdilajd onomi.

Madje, kjo gjë është deklaruar në media edhe nga vetë Ministri i Brendshëm Fatmir Xhafaj si dhe nga eksponentë të tjerë të Policisë.

Por, sipas burimeve, FBI, është duke punuar për shumë ngjarje të tjera, ku përfshihen politikanë, por që nuk do të depozitohen në Prokurorinë aktuale, por në SPAK.

Momentalisht në Drejtorinë e Pstrimit të Parave janë kërkuar të dhëna mbi gjyqtarë, prokurorë dhe politikanë me pasuri të dyshimtë që po verifikohen dhe sapo SPAK, të ngrihet, dosjet do të shkojnë aty.

 





Lajmet e fundit nga