web counter
LEXO PA REKLAMA!

SHKARKO APP

App Store
Google Play

Dëgjesa me kandidatët për Kryeprokuror/ Strazimiri: U përzunë ndërmjetësit, negociatorët dhe garantët

13 Dhjetor 2017, 18:48, Aktualitet CNA

Deputeti i Partisë demokratike, Gent Strazimiri, ka reaguar ndaj dëgjesës me kandidatët për Kryeprokuror në Komisionin e Ligjeve në Kryesinë e Kuvendit.

Me anë të një postimi në rrjetet sociale, Strazimiri shprehet se ajo që po ndodh nuk është një mbledhje komisioni, por është një mbledhje monopartiake, që po përzgjedh kreun e një organi të pavarur, por me një procedurë jashtë-Kustetuese dhe moniste.

“Nuk është mbledhje Komisioni!
Nuk është madje as mbledhje e njëanëshme e partive të mazhorancës!
Është një mbledhje monopartiake, që po përzgjedh kreun e një ORGANI TË PAVARUR NGA TË GJITHË, në një proçedurë haptazi jashtë-Kushtetuese e MONISTE!”, – shkruan Strazimiri.

Në vijim të reagimit të tij, deputeti demokrat shprehet se, “Reforma në drejtësi:
– Nisi me 140 votat e të gjitha partive në Kuvend!
– Ligjet e organike I miratoi vetëm me 88 votat e partive të qeverisë!
– Emërimet po i bën vetëm me 36 votat e partisë së “Saje Qorrit”!
– Për dhënien e një “drejtësie të drejtë” s’ka më nevoje për vota… e bën VETË AI! I VETËM!”, ndërsa shton se u bërzunë ndërmjetësit, negociatorët dhe garantët.

“P.S. Bravo “ndërmjetësit”, “negociatorët”, “garantët”!
T’i kesh të gjithë e t’i përzesh të gjithë, me ngulm…. vetëm ju mund ta bënit…”, – mbyll reagimin e tij Strazimiri. /CityNews





Lajmet e fundit nga