web counter
LEXO PA REKLAMA!

SHKARKO APP

App Store
Google Play

E fundit!

x

Analiza në PD-në e Vlorës/ “Kryqëzohen” Basha dhe deputetët

6 Dhjetor 2017, 11:25, Aktualitet CNA

Partia Demokratike e Vlorës ka zhvilluar dje mbledhjen përmbyllëse pas ?analizës? për humbjen në zgjedhjet parlamentare të vitit 2017.

Ajo që ka rënë në sy është fakti se në mbledhje merrte pjesë më pak se gjysma e kryesisë së degës si dhe ishte bojkotuar nga një pjesë e të deleguarve dhe kandidatëve për deputetë.

Megjithëse pjesëmarrja nuk ka qënë e madhe, kjo mbledhje ka pasur debate të forta dhe qëndrime mjaft të ashpra.

Analiza është nisur fiktive dhe ashtu ka bitisur në Vlorë. I deleguari Edvin Kulluri nuk ka qënë i pranishëm në mbledhje. Gjithashtu atë e kanë braktisur edhe kandidatët për deputetë Arben Ristani dhe Dashamir Tahiri.

Bojkot ky që ka filluar me analizat në seksione apo grup seksione, ku përtej pjesëmarrjes minimale ka pasur qëndrime të forta kundër Lulzim Bashës, listës së tij të kandidatëve në Vlorë, si dhe mënyrës së organizimit të fushatës elektorale.

Në mbledhje shumë nga anëtarët e kryesisë kanë theksuar se lista Basha ishte një tradhëti ndaj demokratëve vlonjatë, dhe fushata një pabesi ndaj tyre. Megjithëse të pranishëm në mbledhje, dy deputetët e vlorës Agron Shehaj dhe Nada Meçorapaj nuk kanë thënë asnjë fjalë por kanë heshtur. Deputetët e qarkut të Vlorës, të vendosur në listë nga Lulzim Basha, shpesh janë akuzuar se nuk kanë asnjë lidhje me Partinë Demokratike, dhe janë vendosur në lista duke paguar për të qënë pjesë e tyre.

Agron Sharra, i njohur edhe si një nga mbështetësit e Lulzim Bashës, ka thënë në mbledhje se lista Basha ishte një nga shkaktarët kryesorë të humbjes. Kjo e pasuar nga një organizim shumë i dobët dhe një dorëzim pa kushte përballë kundërshtarit.

Në Vlorë, PD ka regjistruar rezultatin më të ulët historik, shpesh ka pasur akuza të forta për shitje mandatesh deputetesh dhe shitje të kauzave të PD nga vetë Lulzim Basha për interesa të tij të lidhura me kryeministrin Rama.

PD-ja në Vlorë pati më pak vota se në vitin 1997. Dhe demokratët që i rezistuan ditëve më të zeza të historisë politike të PD, në 2017, pas 20 vitesh, u ndjenë jo vetëm të tradhëtuar por dhe të shitur nga kryetari i partisë.

Në zgjedhjet për kreun e PD-së, Vlora ishte qyteti ku u faktua me filmime falsifikimi dhe manipulimi i garës dhe bojkotit masiv nga demokratët vlonjatë, Basha ju përgjigj me mbushjen e kutive.

Dega e PD-së në Vlorë, e ndodhur përballë këtyre fakteve, duket se ka vendosur me shpatulla pas murit Fatbardh Kadillin, të deleguarin e Bashës i cili kërkon të mbyllë dhe të kapërcejë me shpejtësi krizën e brendshme në PD, e nxitur kjo nga tradhëtia e Lulzim Bashës dhe e demokratëve vlonjatë, të cilëve ju shiti edhe gjakun e tyre të rezistencës./ CityNews





Lajmet e fundit nga