web counter
LEXO PA REKLAMA!

SHKARKO APP

App Store
Google Play

60 kamionë për të fshehur trafikun e heroinës Durrës-Bari

4 Dhjetor 2017, 16:36, Aktualitet CNA

Koncesionari i skanimit të dielën më 3 dhjetor po bënte namin me kontrolle shumë të rreptë për çdo mjet, që skanohej në Terminalin e Pasagjerëve në Portin e Durrësit.

Mbi 60 kamionë nuk u imbarkuan në tragetin e Linjës Durrës-Ankona, sepse u penguan në kohë nga procedurat tejet të rrepta të skanimit të zbatuara me skrupulozitet nga koncesionari në fjalë.

Çuditërisht kontrolli i financierëve në Bari nuk pati aspak vështirësi për të zbuluar 2,5 kg. heroinë të pastër, duke përdorur me një skaner obsolet krahasuar me atë të Durrësit.

Sapo kamioni TIR zbarkoi nga trageti, që vinte nga Durrësi iu nënshtrua një kontrolli të rreptë dhe nën sediljen e shoferit u zbuluan 5 pako të mbështjella me letër natriban, që kishin 2,5 kg heroinë.

Kamionisti u arrestua, ndërsa kamioni u vu nën sekuestër. Pritet një kontroll i hollësishëm, deri në çmontim të kamionit për të parë se ndoshta ka edhe sende apo drogë tjetër të fshehur.

Automjetet dhe pasagjerët e imbarkuar në tragetin e nisur nga Durrësi për në Ankona po ashtu do t?i nënshtrohen kontrollit të rreptë, sapo të mbërrijnë në Portin e Ankonës. Dyshohet për ngarkesa të posaçme edhe në automjetet e ngarkuara në këtë traget/ Gjergj Thanasi

http://www.baritoday.it/cronaca/scoperta-eroina-porto-arresto-camionista-albanese..html





Lajmet e fundit nga