web counter
LEXO PA REKLAMA!

SHKARKO APP

App Store
Google Play

Skandal/ Deputeti mbledh administratën në zyrat e partisë

3 Dhjetor 2017, 19:09, Aktualitet CNA

Deputeti i Partisë Socialiste ka mbledhur ditën e djeshme drejtuesit e institucioneve të Sarandës, pas situatës së krijuar nga përmbytjet në këtë qytet.

Ndonëse është për tu përshëndetur fakti që ai ka shkuar në zonën e tij elektorale në një situatë emergjente, ajo që bie në sy është vendi ku deputeti Alket Hyseni vendos të mbledhë administratën. Kjo ndodh vetëm në Sarandë, veprim i mbetur zakon që nga koha e Koço Kokëdhimës, që deputeti thërret në zyrën e tij partiake drejtuesit e ?depolitizuar? të administratës publike.

Për të thërritur mbledhje të tilla ekzistojnë institucione si Bashkia, Nënprefektura dhe çdo institucion tjetër publik, Alket Hysani këtë e di, por me pasion dhe dëshirë për të zëvendësuar Koço Kokëdhimën, bën të njëjtat veprime si ai.

Zyra e partisë është për deputetin dhe militantët, por jo për mbledhjet e rëndësishme të administratës, apo Emergjencave Civile.

Kjo do të ishte njëlloj sikur Edi Rama Shtabin e Emergjencës të mos e mbledhë në Kryeministri por në selinë e Partisë Socialiste, sepse do ta kishte më lehtë. Zyrat e partisë nuk mund të jenë kurrsesi zyra të institucioneve shtetërore.

Ndërsa kryeministri Edi Rama proklamon për pastrimin e administratës nga militantët partiakë, deputeti i tij duke u frymëzuar nga Koço Kokëdhima dje, mbledh administratën në zyrat e PS-së, duke i dhënë asaj një pamje të politizimit të plotë dhe arrogancën që përfaqëson Rilindja. /CityNews





Lajmet e fundit nga