web counter
LEXO PA REKLAMA!

SHKARKO APP

App Store
Google Play

E fundit!

x

Reagon Rama/ Rruga nuk u përmbyt nga palmat. Ja e vërteta

1 Dhjetor 2017, 17:54, Aktualitet CNA

Kryeministri Edi Rama, gjatë mbledhjes së Komitetit të Koordinimit të Emergjencave Civile, ka reaguar pas akuzave se përmbytja e djeshme në autostradë erdhi për shkak të mbylljes së kanaleve për vendosjen e palmave si dhe hapjen e portave të liqenit të Kasharit.

Teksa falënderoi liderin e opozitës Lulzim Basha për mirëkuptimin e ndërprerjes së seancës së djeshme parlamentare si shkak i situatës së krijuar nga shirat tha:
“Sa qesharake ashtu si kundër edhe e papranueshme, të ndërtohet një gënjeshtër politike se me demek u hap Bovilla apo liqeni i Kasharit që sollën përmbytjet. Përmbytjet kanë shkaqe të tjera dhe mbështes Ministrin e Brendshëm se ka pasur ndërhyrje në rrjetin e kullimeve dhe kanaleve të pastrimit, nga ndërtimet pa leje dhe jo vetëm.

Do t’i çojmë përgjegjësit para drejtësisë, dhe se është një gënjeshtër pretendimi se është përmbytur autostrada nga palmat.”, – tha ndër të tjera kryeministri Rama.

Sot disa qytetar kanë debatuar me ministrin e Brendshëm Fatmir Xhafaj, duke thënë se ka qenë rindërtimi i segmentit të autostradës nga Qafë Kashari dhe mbjellja e palmave shkaktar i përmbytjes. Në të njëjtën akuzë ishte edhe kryebashkiaku i Vorës Fiqiri Ismaili.

Akuzat për mbylljen e kanaleve gjatë mbjelljes së palmave janë të përsëritura për atë investim. Ndërkohë CityNews.al, sot publikoi një video për situatën e krijuar, video e cila u publikua edhe nga ish-kryeministri Sali Berisha, gjë që solli edhe reagimin e kryeministrit Rama. /CityNews

VIDEO/ Pse përmbytet autostrada?





Lajmet e fundit nga