web counter
LEXO PA REKLAMA!

SHKARKO APP

App Store
Google Play

Ligji Antimafia/ 46 gjyqtarë dhe prokurorë do godasin krimin e organizuar dhe korrupsionin

28 Nëntor 2017, 09:44, Aktualitet CNA

Misioni PAMECA  ka zgjedhur 46 gjyqtarë dhe prokurorë nga  Gjykata e Krimeve të Rënda, Prokuroria e Krimeve të Rënda dhe Gjykatat e Prokuroritë e rretheve gjyqësore, të cilët pritet të angazhohen në luftën ndaj krimit dhe korrupsionit.

Në një seminar mbi prezantimin e ndryshimeve të reja të Ligjit Anti-Mafia tek gjyqtarët dhe prokurorët shqiptarë, drejtuesi i Projektit PAMECA V, z. Carlo D?Achille, theksoi faktin që miratimi i këtij ligji konfirmon angazhimin serioz të Shqipërisë në luftën kundër aktiviteteve të rrezikshme kriminale.

Për më tepër, ai nënvizoi faktin që duke marrë parasysh rëndësinë e këtij ligji, do të zhvillohen seminare të tjera, me qëllim që ndryshimet e fundit të ligjit Anti-Mafia të kuptohen në mënyrë të qartë.

Më tej, diskutimet u përqendruan në: zbatimin e rregullave të Kodit të Procedurës Penale për verifikimin, hetimin dhe gjykimet mbi pasuritë, në vend të rregullave të Kodit të Procedurës Civile që zbatoheshin më parë, zgjerimin e objektit, qëllimit dhe fushës së zbatimit të ligjit, kufizimin e rrethit të ngushtë të personave të afërt për të cilët gjen zbatim ligji, barrën për të provuar se asetet janë fituar nga veprimtari të ligjshme.

Henrik Ligori, prokuror në Prokurorinë e Krimeve të Rënda dhe Z. Gurali Brahimllari, gjyqtar në Gjykatën e Krimeve të Rënda prezantuan përkatësisht ndryshimet e ligjit Anti-Mafia në kuadër të Reformës në Drejtësi si edhe përvojën në zbatimin e ligjit të ri sipas këndvështrimit të prokurorisë dhe të gjykatës.

Antonio Balsamo, Prokuror në Gjykatën e Lartë, Romë, prezantoi përvojën italiane për zbatimin e ligjit Anti-Mafia./ CityNews





Lajmet e fundit nga