web counter
LEXO PA REKLAMA!

SHKARKO APP

App Store
Google Play

E fundit!

x

Gaqo Karakashi sjell "Gramatika e Gjuhës Gjermane"/Një kontribut i vyer akademik

11 Nëntor 2017, 09:12, Aktualitet CNA

Këto ditë lexuesit, sidomos ata që janë futur në rrugën e mësimit të gjuhës gjermane, kanë në dorë librin ?Gramatika e Gjuhës Gjermane?, të autorit Gaqi Karakashi, pedagog i gjuhës gjermane në Qendrën e Gjuhëve të Huaja, Akademia e Forcave të Armatosura.

Tomas Xhefersoni shprehej: ?S?mund të jetoj pa libra?. I tillë është pedagogu Gaqi Karakashi me një përvojë mësimdhënie të gjuhës gjermane prej 27 vitesh. Pasion në punën për arsimimin e kursantëve në gjuhën gjermane, dëshirë për të përditësuar metodat e mësimdhënies, punë e palodhur për pasurimin e orës së mësimit, por mbi të gjitha dashuri për librin. Ai librin e ka pjesë të jetës. Pasionant në kërkim, skrupuloz në përkthim, i pangopur në lexim dhe me shumë dëshirë për botim.

Përveç librit që sapo u është vënë në dorë të interesuarve, ai është përkthyes i 15 librave duke të autorëve të tillë të njohur si Zigmund Frojd, Max Weber, Herbert Marcuse, Ralf Dakrendorf, Max Horkheimer, Immanuel Kant, Karl Popper, Carl Schmitt, Ludwig Wittgenstein, Werner Maser, Herman Frank dhe Herman Neubacher. Përveç fushës së përkthimit, autori Gaqi Karakashi është autor i ?Fjalor Ushtarak Gjermanisht-Shqip? dhe mjaft artikujve në shtypin shkencor dhe periodik.

Libri i tij i fundit ?Gramatika e Gjuhës Gjermane? është frut i një pune të lodhshme 5 vjeçare por edhe i reflektimit të nevojave që kanë kursantët e gjuhës gjermane për mësimin e gramatikës së kësaj gjuhe. Midis mjaft vlerave që ka ky botim duhet veçuar fakti se ai u krijon mundësinë të gjithë të interesuarve për mësimin e gjuhës gjermane të punojnë në mënyrë autodidakte sepse libri është botim dy gjuhësh-gjermanisht dhe shqip. Konceptet gramatikore lexuesi i gjen të trajtuara në mënyrë të përshkallëzuar, jo vetëm si koncepte teorike, por mbi të gjitha të zbërthyera në veprimtari praktike me shembuj dhe ushtrime dhe të gjitha këto në të dyja gjuhët. Nga kjo pikëpamje ky libër përbën një risi në llojin e vet.

Libri është një ndihmesë e madhe edhe për mësimdhënësit e gjuhës gjermane që mund dhe duhet ta kenë një referencë të dobishme në punën e tyre për mësimin e koncepteve gramatikore të gjuhës gjermane në orët e mësimit dhe për ushtrimin e tyre.

Krahas vlerave intelektuale të pedagog Gaqi Karakashit, ky libër tregon se në stafin e Qendrës së Gjuhëve të Huaja ekziston një bërthamë pedagogësh me interesa më të gjëra se mësimdhënia. Produkt i këtij grupi pedagogësh janë disa libra didaktik, shkencorë dhe artistik si dhe një numër artikujsh shkencorë në revista shkencore ndërkombëtare dhe brenda vendit.

Dr. Jaup Zenuni

Drejtori i Qendrës së Gjuhëve të Huaja

 





Lajmet e fundit nga