web counter
LEXO PA REKLAMA!

SHKARKO APP

App Store
Google Play

Çështja Tahiri/ Po zhduken provat dhe gjurmët e krimit

11 Nëntor 2017, 12:18, Aktualitet CNA

Kryetari i Partisë demokratike Lulzim Basha ka hedhur akuza të forta sot në drejtim të kryeministrit Rama, ministrit të Brendshëm Xhafa dhe ish-ministrit Saimir Tahiri.

Në një postim në rrjetet sociale, Basha shkruan se Rama, Tahiri dhe Xhafa janë nën ethe për të zhdukur provat dhe gjurmët e krimit.

Basha ka publikuar mesazhin e një punonjësi të gardës, i cili thotë se në zyrën e ish-ministrit Saimir Tahiri tek Garda zyrat janë boshatisur tërësisht nga bashkëpunëtorë të tij. Ai thotë se 3 automjete janë ngarkuar me kuti të mëdha të mbushura plot.

Postimi i plotë:

?Zoti kryetar, një ditë pasi ju publikuat në FB denoncimin tim për praninë me orë të tëra të Saimir Tahirit dhe zonjës së tij në dy zyrat që Tahiri administron te Garda, kanë ndodhur dy ngjarje:
Të mërkurën me 8 nëntor në ora 12 në mesditë, ka mbërritur një grup drejtuesish të policisë dhe të gardës të cilët kanë kontrolluar zyrat.
Të nesërmen, ditën e enjte 9 nëntor, nga ora 9 deri në orën 12 zyrat janë boshatisur tërësisht nga bashkëpunëtorë të Sajmir Tahirit të ndihmuar nga punonjës të policisë dhe të Gardës. Tre automjete janë ngarkuar me kuti të mëdha të mbushura plot: një furgon i bardhë me targë MB 403 AA, një kamionçinë ushtarake me targë MB 019 AA, dhe një Golf 5 ngjyrë vishnje me targë AA 258 KS.
Pasi i boshatisën zyrat, i pastruan dhe ndryshuan dhe emërtimin në dyert e dy zyrave dhe u larguan.
E gjitha kjo ndodhi vetëm një ditë pasi ju publikuat denoncimin tim për ardhjen dhe qëndrimin disa orësh të Tahirit dhe të zonjës së tij në dy zyrat që Tahiri administron te Garda.?/ CityNews





Lajmet e fundit nga