Kryebashkiaku i Rotterdamit ofron shifra të frikshme për zhgënjimin e shqiptarëve me “Rilindjen”

6 Nëntor 2017, 09:06, Aktualitet CNA

Kryebashkiaku i Rotterdamit në kuadrinn e vizitës 5 ditore në Shqipëri pas takimeve me Lali Erin e Tiranës të dielën vizitoi edhe Portin e Durrësit, terminalin e Pasagjerëve dhe atë të Kontejnerëve, policinë kufitare etj. Në një bashkëbisedim me z. Qirici drejtorin e Autoritetit Portual Durrës na tërhoqi vëmendjen diskutimi plot kompetencë profesionale midis drejtorit Qirici dhe kryebashkiakut Aboutaleb për probleme të karakterit thellësisht teknik të Porteve të Durrësit dhe Rotterdamit.

Citynews.al pyeti kryebashkiakun Aboutalebi pse Ambasada Holandeze në Tiranë shpenzoi 700 000 euro në vitet 2015-2016 për projekte për LGBTI, fotoekspozita, sensibilizim, që gratë të mos bëjnë aborte selektive të fetuseve femra etj. dhe ZERO euro për 3 hallet e mëdha, që e sollën burgmajsterin Aboutaleb në Shqipëri (azilkërkues, klandestinë shqiptarë, që nga Holanda synojnë Anglinë dhe banda të strukturuara kriminale, që trafikojnë kokainë, armë dhe qenie njerëzore). Kryebashkiaku i Rotterdamit në përgjigjen e tij theksoi se ai është kryebashkiak dhe jo zëdhënës i Ministrisë së Jashtme Holandeze. Si kryebashkiak ai theksoi se Bashkimi Europian bën mirë, që i kërkon qeverisë shqiptare të ndalojë fluksin e azilantëve dhe klandëstinëve, që mësyjnë vendet europiane, por njëkohësisht Brukseli duhet të investojë fonde më me zgjuarësi se deri tani në Shqipëri dhe duhet të rrisë presionin ndaj qeverisë shqiptare, që shqiptarëve t?u lindë shpresa, që ta shohin të ardhmen në Shqipëri dhe jo si azilkërkues në Europë.

Gjen/brigade Pieter Simpelaar, pjesëtar i shpurës së kryebashkiakut Aboutalebi i dorëzoi korespondentit të Citynews.al një shkresë në anglisht të përpiluar nga Ministria e Brendshme Holandeze (Openbaar Ministerie). Shkresa kishte shifra të frikshme përsa i përket klandestinëve të kapur në Portin e Rotterdamit, që synonin të mbërrinin në portet angleze. Shqiptarët përbënin 69% të numrit të përgjithshëm të këtyre klandestinëve. Në vend të dytë ishin afganët, në vend të tretë ishin vietnamezët dhe në vend të katërt irakenët. Është turp i madh, që klandestinët shqiptarë me destinacion Anglinë t?ia kalojnë me herë si numër afganëve, irakenëve dhe vietnamezëve, që vinë nga shtete në luftë apo nga vende komuniste. Pas 3-4 vitesh rilindje të Shqipërisë dhe shqiptarët ende tufa-tufa mësyjnë si klandestinë Anglinë!

Në vitin 2015 në Portin Hoek Van Holland (Rotterdam) u kapën 270 klandestinë. Në vitin 2016 u kapën730, ndërsa në janar-shtator të këtij viti 550 klandestinë. Në krahasim me 2016 kemi një shtim me 2.5 herë të klandestinëve të kapur përfshirë edhe 8 mujorin e vitit në vazhdim. Në Portin Rotterdam Europoort në vitin 2015 u kapën 10 klandestinë, ndërsa në vitin 2016 u kapën 250 klandestinë dhe në 8 muajt e viti 2017 u kapën 30 klandestinë. Kemi një rritje me 10 dhe 3 herë krahasuar me vitin 2015! Rritje të tilla të frikshme të klandestinëve të kapur nuk vijnë nga rritja e efikasitetit dhe e vigjëlencës së policisë holandeze, por nga orteku i klandestinëve shqiptarë, që nuk arrijnë të kuptojnë se ?Rilindja? e ka bërë Shqipërinë bace me lule dhe u paguajnë trafikantëve mijëra euro, madje rrezikojnë edhe jetën për të shkuar si klandestiën në Angli në vend që t?i gëzohen ?Rilindjes? në Shqiëpri (Sic!)

Burgemajsteri Aboutaleb takon Ramën dhe viziton Shkodrën

Këtë të hënë kryebashkiaku i Rotterdamit Ahmeed Aboutaleb do takojë kryeministrin Rama për të ndarë me të 3 shqetësimet madhore: azilkërues, klandestinë dhe krim i organizuar shqiptar në Holandë. Burgmajsteri holandez u tha gazetarëve shqiptarë se ai do ta nxisë kryeministrin Rama, që policia shqiptare të bashëkpunojë më shumë me gjyqësorin dhe prokurorinë për të konfiskuar pasuritë e tundshme dhe të patundshem, që kanë në Shqiëpri kriminelët shqiptarë, që zhvillojnë aktivitetin e tyre kriminal në Holandë.

Pas takimit me kryeministrin Rama, kryebashkiaku i Rotterdamit do vizitojë Shkodrën. Ai do të vizitojë një pikë kontroll kalimi kufiri. Do takojë krerët e policisë në Shkodër dhe njëlloj si në Tiranën e Lali Erit do takojë kryebashkiaken lokale Voltana Ademi. GJERGJ THANASI/ CityNews