Nga Artur AJAZI/ Pse u bashkua Luli me partinë e “bllokut”?

21 Tetor 2017, 13:27, Aktualitet CNA

Çudia më e madhe ditët e fundit (veç faktit se u kërkua me ngut arrestimi ish-ministrit Tahiri) ka qenë për çdo shqiptar bashkimi Lulit të PD-së me partinë e ?bllokut?, shtërngimi duarve dhe firmosja e ?frontit opozitar? mes tij dhe LSI. Një çudi e cila shuhet natyrshëm kur thellohesh paksa dhe kujton se Lulin me partinë e ?bllokut? e bashkojnë shumë gjëra nga e shkuara. E bashkojnë akuzat, denoncimet ofertat dhe aferat e vjetra dhe të reja, e bashkojnë proceset e panumurta gjyqsore dhe proceset e panumurta hetimore që organet e drejtësisë kanë nisur dhe bitisur ndaj tyre, dhe së fundi i bashkoi ?arrestimi Tahirit?.

Askush nuk e beson ?frontin opozitar? të Lulit dhe partisë së ?bllokut?, askush nuk i beson thirrjet e tyre drejtuar shqiptarëve për ?të marrë në dorë fatet e tyre duke rrëzuar qeverinë e bandave?, askush nuk e beson Lulin dhe partinë e ?bllokut? kur dalin dhe tregojnë historira me ?trafiqe dhe banda? kur dihet se Prokuroria dhe Gjykata kanë patur dhe kanë akoma procese të hapura ende ndaj emrave të veçantë të shpurës së tyre.

E ndërsa Luli nxiton të sulmojë ish-ministrin e Brëndshëm dhe të ndërsejë ndaj tij ushtarët që ka ende në Prokurori, duket se kryetarja e partisë së ?bllokut? ka zënë hasha gjithçka, sikur të mos kishte qenë asnjë ditë në qeverisje në 8 vitet e fundit me Lulin dhe pastaj me Ramën.

Kryetarja e partisë së ?bllokut? ka ndezur motorrët e të bërit ?opozitë? dhe mendon se shqiptarët (mes tyre edhe ata që ajo kujton se i ka anëtarë të forcës saj politike) do ta besojnë edhe kur takohet dhe firmos pakte me Lulin, edhe kur kërkon nxitimthi ?zgjedhje të parakohshme sepse votat janë blerë me para droge dhe krimi?. Për hir të së vërtetës, duhet thënë se shqiptarët e dinë fare mirë se, ka qenë dhe mbetet partia e ?bllokut? ajo që mbushte bagazhet e fuoristradave me para dhe turrej qendrave të votimit për të blerë komisionerë, vota dhe për të mbledhur karta identiteti, atyre që nuk ngopnin barkun me bukë. Partia e ?bllokut? njihet sot si kampione e aferave të tilla, njihet si forca politike më e kompromentuar e cila e futi si parim të saj mekanizmin e blerjes së votave. Ndaj natyrshëm lind pyetja ime dhe e çdo shqiptari, çfarë i bashkoi Lulin dhe partinë e ?bllokut?, kur deri para pak muajsh u shanë me libër partie, u akuzuan dhe denoncuan, u rrahën në qendra votimit dhe zyra shteti ?

Deri para 17 majit edhe Luli ishte kundër Ramës , por pas mesnate të po asaj date, ai ndryshoi qëndrim, duke dalë vetëm kundër partisë së ?bllokut?. Si mund të besosh Lulin dhe partisë së ?bllokut?, kur i dëgjon se si ngulin këmbë që Komisioni Mandateve ti heqë mandatin Sajmirit, kur të dy ata, kur kanë patur probleme me organet e drejtësisë nuk kanë lënë raporte mjeksore pa marrë për të larguar sikletin ? Si mund të besosh dyshen e përfolur të ?frontit opozitar?, kur asnjëherë drejtësia nuk ka qenë transparente në vendimet e saj, kur bëhej fjalë për akuza dhe denoncime me fakte konkrete ? Mjafton të shohësh bashkë Lulin dhe kryetaren e partisë së ?bllokut? në një aleancë kundër krimit, dhe të largon shpresën se opozita e ka seriozisht luftën për drejtësinë, Vettingun dhe luftën ndaj korrupsionit.

Kjo sepse dalin të ?luftojnë? bandat dhe krimin, ata që nuk vendosin gishtin në ?plagë? por i bien fyellit në një vrimë tek Edi Rama. Si mund ti besosh ata të dy, tek dëgjon se ?krimi nuk ka qenë sistematik por lindi pas 2013?, si mund ti besosh ata të dy kur dihet fare mirë se, fijet e krimit, duke nisur nga policia, dhe organet e tjera të shteti kanë nisur jo para, por pas 2013 ? Shqiptarët sot janë zgjuar, janë më të mënçur, më të sqaruar , më seriozë në dhënien e votës, pavarsisht se janë edhe të lodhur nga politika, por kanë ditur dhe do të dinë ta ndajnë hipokrizinë dhe e vërteta, për të nxjerrë jashtë loje ata që tallen dhe i fyejnë ata çdo ditë me gënjeshtra dhe mashtrime të trasha./ CityNews