web counter
LEXO PA REKLAMA!

SHKARKO APP

App Store
Google Play

Fatos Nano leksion Ramës / Ja si duhet të jetë timonieri

18 Tetor 2017, 15:02, Aktualitet CNA

Një ndër personalitetet më në zë të politikës shqiptare në vitet e demokracisë, është edhe ish-kryeministri Fatos Nano, i cili gjatë viteve të para të udhëheqjes së Partisë Socialiste nga Edi Rama, ishte kthyer në një kundërshtar të hapur të këtij të fundit.

Por kohët e fundit, qëndrimet e tij kanë ardhur duke u zbutur karshi Ramës, teksa u pa përkrah tij në fushatën zgjedhore të zgjedhjeve parlamentare, si dhe në qëndrimet e tij më pro Ramës se herët e tjera.

Por pavarësisht këtyre qëndrimeve të zbutura kundrejt liderit aktual të PS-së, Kryeministër, Nano nuk ngurron që të thotë realitetin.

Sipas tij, ndonëse vendi është më afër rrjedhave pabarazitë janë rritur dhe kjo e ka larguar vendin nga standardet e botës së qytetëruar.

“Kemi një Shqipëri më ndryshe, më afër rrjedhave bashkëkohore të zhvillimit në shumë aspekte, por me më shumë pabarazi gjë që ka nxjerrë në pah edhe se sa larg parametrave dhe standardeve të botës së qytetëruar në të cilën jemi ofruar për t?u bërë pjesë, jemi”, – tha Nano.

Më tej teksa foli për termin e ‘timonierit’, Nano u shpreh se në kohën tonë ai duhet të jetë i pari mes të barabartëve dhe jo i ndryshëm prej tyre.

“Në kohët moderne, çështja e timonit është digjitalizuar që do të thotë timoni ka ngelur një simbolikë e lundërtarëve klasikë dhe besoj se pavarësisht nga butonat e komandimit, drejtimi nuk është dhe nuk mund të jetë më një prerogativë e një personi, por sidoqoftë çdo ekip ka drejtuesin e vet, i cili duhet të kultivojë në radhë të parë te vetja besimin se është i pari midis të barabartëve dhe jo i ndryshëm prej tyre”, – theksoi Nano. /CityNews





Lajmet e fundit nga