web counter
LEXO PA REKLAMA!

SHKARKO APP

App Store
Google Play

Ekskluzive - Blushi bojkotoi tryezën e Bashës / Ja çfarë i tha kreut të PD-së

18 Tetor 2017, 18:08, Aktualitet CNA

Fronti opozitar zhvilloi një takim të përbashkët për të hartuar strategjinë e ‘luftës’ kundër qeverisë, pas publikimit të përgjimeve të bandës së drogës në Itali, në të cilën përmendej edhe ish-ministri i Brendshëm Saimir Tahiri.

Por ajo që ra në sy ishte se, disa figura opozitare në qëndrim me Edi Ramën, edhe pse jo në parlament, siç është edhe Ben Blushi, munguan.

Ben Blushi ka qenë një nga kritikët më të ashpër të Edi Ramës brenda Partisë Socialiste, e këto kritika bënë që ai të largohej nga PS-ja, dhe të krijonte një parti më vete të quajtur LIBRA.

“CityNews.al“, u interesua mbi mungesën e Blushit në këtë tryezë, dhe për këtë burime nga Partia Demokratike thanë se ai ka qenë i ftuar por nuk ka pranuar që të shkojë.

Të njëjtat burime thanë se Blushi refuzoi duke thënë: “Unë jam larguar nga Partia Socialiste për shkak të Koço Kokëdhimës, ndërsa ti po më fton në një tryezë ku ligjëron ai”.

Po ashtu “CityNews.al” mësoi se nuk ka qenë vetëm Ben Blushi që ka refuzuar ftesën e Lulzim Bashës, por edhe Partia Lëvizja e Legalitetit e Sulejman Gjanës. Edhe pse kjo një parti e djathtë dhe me profil të fortë, ka refuzuar ftesën e Bashës për tu ulur në tryezë. /CityNews





Lajmet e fundit nga