E fundit!

22:27 Ekonomi

Hyn në fuqi rregullorja e re/ Licencat e shoqërive në ndërtim do të vlejnë deri në 5 vjet

Licencat e shoqërive të ndërtimit do të kenë afat vlefshmë...

LSI nuk është hirushja

16 Tetor 2017, 11:11, Aktualitet CNA

Prej disa javësh, kryetari i Partisë Demokratike, Lulzim Basha po i rikthehet dashurisë së tij të vjetër me LSI-në, lëvizje e cila sipas tij pretendon të krijojë një front opozitar dhe ta bashkojë këtë forcë në aleancë me PD-në për të bërë opozitën më të fortë.

Disa puthje në parlament të Bashës me Kryemadhin, të cilat u pasuan në emisionin Opinion dhe qëndrimin e palëve për tu bashkuar në një front opozitar, këtu nuk ka asgjë të keqe nga ana e Bashës, por që opozita të jetë e vërtetë, PD duhet të gjejë një ?Hirushe?. Në fakt LSI nuk është e tillë, për më tepër mund të quhet ?princesha? e korrupsionit dhe banda hajdute e Ilir Metës.

Lulzim Basha largoi nga PD-ja kritikët e tij duke i quajtur si ish-ministra apo ish-drejtues të korruptuar, kur në fakt ata ishin thjeshtë dhe vetëm kundërshtarë të Lulzim Bashës. Nëse Basha do të kishte parim korrupsionin, nuk ka më të korruptuar se LSI-ja, që fillon nga Ilir Meta, i kapur me bllok në dorë e përfundon tek drejtorët hajdutë, militantët e pashkollë dhe gjithë çetën që e ktheu në sistem korrupsionin në qeveri.

LSI po tentohet nga Lulzim Basha që të shpallet si ?Hirushja?, se ?princi? opozitar ka gjetur dashurinë e tij të vërtetë dhe me të do të shpëtojë Shqipërinë.

Në fakt LSI-ja ka lindur si forcë politike jo për zhvillimin e Shqipërisë, por për mbrojtjen e interesave klienteliste të Ilir Metës.

LSI është forca politike e dalë nga gjiri i Partisë Socialiste, që i shkaktoi asaj humbjen në vitin 2005 dhe e nxori në opozitë në vitin 2007, e zgjodhi Edi Ramën kryetar Bashkie në vitin 2009 dhe la sërish socialistët në opozitë për tu bashkuar me Berishën. Në vitin 2011 u bashkua me Bashën për të larguar Ramën nga Bashkia e Tiranës, ndërsa në vitin 2013 braktis berisha-meta-e-basha Berishën dhe risjell socialistët në pushtet. Në vitin 2015 i siguron të majtës fitoren në pushtetin vendor.

Në zgjedhjet e qershorit të këtij viti tentoi që e vetme, ndoshta duke u bashkuar më pas me PD-në, të rrëzonte qeverinë e Edi Ramës, por në fund doli në opozitë .

Forca politike e bëmave dhe gjëmave tani është egërsuar, kërcënon, a thuaj se deri para katër muajsh nuk ishte në pushtet, dhe jo pak, plot tetë vite, si me Berishën ashtu dhe me Ramën.

E në rast se ka qeveria e Berishës dështime, ka nga ministrat e LSI-së, drejtorët e saj të korruptuar dhe ministrat hajdutë me çantë në dorë. E nëse ka dështim në qeverinë e Edi Ramës, ku drejtuan të njëjtët ministra të LSI-së dhe drejtues që ishin me Berishën, të cilët qarkulluan nga ministria në ministri dhe vëtëm bënë skandale, vodhën çdo sekondë të ditës në punë.

Këtë parti dhe këta hajdutë, forcën politike, ndoshta më të korruptuar në Europë, Lulzim Basha kërkon të na e shesë si ?Hirushen? e politikës shqiptare. Në fakt Dashuria e tij me LSI-në me shumë gjasë do e çojë më keq se në zgjedhjet e vitit 2017./ CityNews