web counter
LEXO PA REKLAMA!

SHKARKO APP

App Store
Google Play

Maqedonia voton për pushtetin e ri lokal

15 Tetor 2017, 07:22, Aktualitet CNA

Në Maqedoni sot po zhvillohen zgjedhjet për pushtetin e ri lokal në 80 komuna .

Në garën marrin pjesë 260 kandidatë të 19 partive politike dhe të koalicioneve të ndryshme përfshirë edhe kandidatë të pavarur.

Zgjedhjet zhvillohet në dy rrethe zgjedhore, por ato mund të përfundojnë edhe me një rreth nëse ndonjëri nga kandidatët fiton mbi 50 për qind të votave, në të kundërtën dy kandidatët me më shumë vota kalojnë në rrethin e dytë që mbahet pas dy javëve.
Procesi zgjedhor mbikëqyret nga rreth 5 mijë vëzhgues vendor dhe afër 400 të huaj. Numrin më të madh të vëzhguesve e ka asociacioni qytetar ?Most?, rreth 2500 që do të mbulojnë 50% të vendvotimeve.

Procesi zgjedhor do të zhvillohet nën masa të shtuara të sigurisë. Ministri e Punëve të brendshme ka bërë të ditur se tek të gjithë  vendvotimet do të ketë forca policore për të siguruar mbarëvajtjen e procesit zgjedhor.

Rezultatet e para nga votimi i sotëm pritet të publikohen nga mesnata, por përpunimi i tyre bazuar nga ciklet e kaluara zgjedhore zhvillohet në formë elektronike dhe çdokush ka mundësinë  në faqen e internetit të KSHZ-së të ndjekë shpalljen e rezultateve varësisht përpunimit të të dhënave që arrijnë nga qendrat e votimit. /CityNews





Lajmet e fundit nga