web counter
LEXO PA REKLAMA!

SHKARKO APP

App Store
Google Play

E fundit!

x

Video-Grida Duma ia kalon Nard Ndokës / Firence në Lindjen e Largët

13 Tetor 2017, 14:49, Aktualitet CNA

Sot në orët e pasdites ka folur dhe ka shkëlqyer si gjithmonë me sharmin e saj politikanja, stari i PD-së, Grida Duma Shqina.

Duke mbajtur fjalën e saj në Kuvend, për të treguar se është një filozofe, është e lexuar dhe e ditur, siç do ta shikoni edhe në videon e mëposhtme, ajo flet për një filozof nga Lindja e Largët.

Meqë Grida ju referua Makiavelit, ne të Citynews.al bëmë një kërkim të thjeshtë pasi besojmë shumë tek dijet e Yllit në shkëlqim tek Oblorri i Lulit.

Na rezultoi se filozofja e PD ngatëron mollët me panxharin, jonxhën me grurin, dardhën me shalqinin, preshin më kastravecin e kështu me rradhë.

Nuk u morrëm gjatë me fjalën e saj por vetëm më një detaj. Grida tha: “Financimi i blerjës së votës është një operacion kapilar, që fillon shumë më parë se dita e zgjedhjeve. Ashtu si shumë kohë më parë Makiaveli, një mendje tjetër e ndritur e Lindjes së Largët dhe e strategjisë thoshte që ‘Fitimtari e fiton luftën, shumë më parë se të zbresë në fushëbetejë, se në fushën e betejës, luftën e kërkon ta fitojë vetëm humbësi. Në një situatë të tillë, zonja e zotërinj, mund të bësh fushatë jo një muaj por një vit…”

“Victorious warriors win first and then go to war, while defeated warriors go to war first and then seek to win”, kjo është shprehja e përdorur nga Duma, e cila nuk është e Nikolo Makiavelit por e Sun Tzu, i cili ka lindur në vitin 544 para Krishtit.

Makiaveli është nga Firencë. Ndoshta ka ndonjë Firence andej nga Kina lindore, ndoshta… Më poshtë dy sqarime, një nga jeta e Makiavelit, kur ka lindur, ku dhe kur është ndarë nga jeta, video e Gridës si dhe harta e botës. Meqë filozofja e Lulit ngatërron Kinën lindja e larget dhe firencelindore me Firencën po i sjellim edhe një hartë të botës. Me blu Lindja e Larget, pika e kuqe është Firence. Kjo e Italisë jo ajo e Gridës. Kjo që me avion është pak më shumë se 1 orë, atë të Kinës ende spo e gjejmë dot.

Meqë është dhe pedagogë, filozofe dhe gjitholloge po sjellim disa të dhëna më poshtë.

Nikolo Makiaveli

Nikolo Makiaveli (1469-1527) ka qenë politikan, shkrimtar politik, historian, dramaturg, filozof dhe hartues traktatesh. Dy janë veprat që krijuan një mendim politik dhe që i dhanë famë: Princi dhe Ligjëratat. Tek jeta dhe vepra e tij ndihet qartë krenaria dhe realizmi se ai krijoi shkencën moderne politike.Jeta e Nikolo Makiavelit shpjegon më mirë se çdo gjë tjetër mendimin e tij. Ai lindi në Firence, në vitin 1469 dhe ndërroi jetë më 21 qershor 1527.

Lindja e Largët

Lindja e Largët (ose Lindja e Largme) është emërtim për vendet e Azisë Lindore përgjatë Oqeanit të Qetë. Shpesh nënkupton edhe Azinë Juglindore dhe atë Lindore, ndërsa nganjëherë edhe pjesën më lindore të Rusisë, pra lindjen e largët ruse dhe regjionin perëndimor të Oqeanit të Qetë.

Lindja e Largët nganjëherë është edhe sinonim për Azinë Lindore. Sidoqoftë, ajo përfshin shtetet dhe kulturat e Azisë Juglindore: të Kamboxhës, Malajzisë, Tajlandës, Indonezisë dhe Filipineve./Citynews.al





Lajmet e fundit nga