web counter
LEXO PA REKLAMA!

SHKARKO APP

App Store
Google Play

E fundit!

x

Maratona e Lali Erit të Tiranës konkuron maratonën e diktatorit të Kimit të Koresë

12 Tetor 2017, 13:59, Aktualitet CNA

Më 15 tetor nën kujdesin e lartë të Lali Erit  do të mbahet në Tiranë për të dytin vit rradhazi maratona e Tiranës. Në pamje të parë duket si një përvojë e mirë perëndimore e importuar nga kryebashkiaku Veliaj në Tiranën e tij të dashur. Një kërkim i shpejtë në Google na tregoi se Veliaj i Tiranës nuk e ka importuar idenë e Maratonës së Tiranës nga BE-ja apo SHBA-ja, por nga Korea e Veriut e diktatorit me raketa e bomba bërthamore Kim Yong Un.

Kemi thjesht të bëjmë me një përshtatje krijuese nga mendja gjeniale e Lali Erit e ideve të vjetra të agjit-propit sovjetik, në formën e tyre moderne, atë të Maratonës së Madhe të Phenianit, kryeqytetit të Koresë së Veriut. Me sa duket Lali Eri nga kryeqyteti koreano verior nuk po huazon vetëm kullat 30-40 katëshe, por edhe zbavitje për miletin shqiptare dhe per naivët këtej dhe andej Atlantikut. Dashtë zoti nuk na importon nga Pheniani në Tiranë edhe skamjen e urinë, që i mundon fort koreanoveriorët e mjerë. I shpjegojmë lexuesit se në njërën foto duket Lali Eri duke vrapuar në Maratonë e Tiranës 2016, ndërsa fotot e tjera ilustrojnë aspekte të ndryshme të Maratonës së Madhe të Phenianit.

Si patriot shqiptar unë uroj që kjo maratona e Tiranës të jetë më madhështore, më mbresëlënëse, më me jehonë në mediat e jashtme e madje botërore, se ajo e Phenianit, për më tepër që Veliaj ynë është ithtar i ?Shoqërisë së Hapur? (të shqyer para e mbrapa do të thoshte av. Goxhaj), ndërsa Dikatori Kim Yong Un është padron i një shteti të mbyllur hermetikisht e të izoluar totalisht.

Le të shpresojmë që njëlloj sic marrin pjesë në Maratonën e Madhe të Phenianit atletë amatorë nga Europa dhe SHBA-ja edhe në Martonën e Lali Erit të marrin pjesë diplomatë profesionistë nga BE-ja dhe SHBA-ja!/CityNews

 

GJERGJ THANASI





Lajmet e fundit nga