web counter
LEXO PA REKLAMA!

SHKARKO APP

App Store
Google Play

E fundit!

x

Dalin detaje për imamin pedagog të arrestuar në Malajzi

9 Tetor 2017, 14:58, Aktualitet CNA

Pas arrestimit të pedagogut shqiptar në Malajzi, Klodian Zaimajt, i njohur edhe me emrin fetar Ibrahim, ABC News zbulon identitetin edhe të dy shqiptarëve të tjerë, që si po ai, dyshohen se kanë lidhje me terroristët e ISIS. Për Klodian Zaimin, dyshohet se ka financuar, indokrinuar e dërguar në Siri 20 shqiptarë që kanë studiuar në Siri dhe Jordani. Një pjesë e këtyre studentëve dyshohet se janë përfshirë në radhët e ISIS.
Ky është Pedagogu shqiptar i arresuar pak ditë më parë në Malajzi. Por, Klodian Zaimaj, i njohur me emrin fetar Ibrahim nuk ka qenë i vetmi që mbahej në mbikqyrje nga antiterrori i policisë së shtetit dhe agjensite e tjera ligjzbatuese për shkak të dyshimeve për lidhje me shtetin islamik dhe struktura të tjera terroriste.

Përveç pedagogut Zaimaj, i cili është njëherësh edhe Imam, ABC News disponon edhe emrat e dy personave të tjerë të cilët, kanë qenë me Zaimin në Malajzi dhe që janë të dyshuar për të njejta lidhje si teologu i arrestuar. ABC News ka arritur të mësojë se ka dyshime se 20 ish-studentë të tjere shqiptarë, pasi kanë mbaruar shkollën për teologji dhe juridik në Malajzi i jane bashkuar rradhëve të ISIS. Mes tyre, ai që spikat për lidhje të dyshimta me shtetin Islamik është nje person me inciale J.Z., me origjinë nga periferia e Tiranës. Po sipas antiterrorit, personi i dytë është nga Karbunara e Lushnjes me inicialet A.G. Burime kofidenciale bëjnë me dije për ABC News se rrezikshmëria e tyre është shumë e lartë. Dy personat e sipërcituar mendohet se aktualisht ndodhen akoma në lindjen e mesme.

Imamët bejnë indoktrinimin e besimtarëve myslimane, duke i bashkuar me luftëtarët e ISIS në “luftën e shenjtë” për Xhihad që prej disa vitesh zhvillohet në Siri dhe Irak. Gjithashtu, ndryshe nga shumë vende  të tjera ku bëhet vetëm teologji, në Malajzi mësohet edhe Juridiku sepse, këta persona duhet të jenë të aftë të mbrojnë edhe nga ana juridike ligjet e islamit.

Deri më tani dyshohet se, Imami i prangosur në Malajzi i njohur ndryshe me emrin fetar Ibrahim, kishte pasur lidhje me celulat e ISIS edhe në Filipine. Klodian Zaimi me orgjinë nga Cërriku, kishte jetuar për shumë vite edhe në Jordani. Dyshimet e njësisë antiterror janë se edhe xhamia e re në qendër të Cërrikut, objekt kulti i cili nuk kontrollohet nga komuniteti Muslyman, mund të jetë financuar dhe lobuar nga i prangosuri në Malajzi.

Elbasani dhe Pogradeci ka numrin më të lartë të personave të dërguar dhe të vrarë përkrah ushtarëve të ISIS. Ndërkohë, Gjykata e Apelit për Krimet e Rënda ka dënuar me 109 vite burg në total, 9 të pandehurit në gjyqin e njohur si ai i xhihadistëve.

Kryesorët, sipas trupit gjykues, ishin Imamët e vetëshpallur, Genci Balla, Bujar Hysa, Gert Pashja e Edmond Ballën. Nga hetimet doli se të pandehurit kishin dërguar në Siri për të luftuar përkrah ISIS rreth 90 shqiptarë. /AbcNews

https://youtu.be/Mea0EY5b97c





Lajmet e fundit nga