(Ekskluzive- Fjala e plotë) Bushati i kërkon llogari Bashës/ Pse e shkelët statutin me të dyja këmbët?

21 Shtator 2017, 18:18, Aktualitet CNA

Anëtarja e kryesisë së Partisë Demokratike, Endira Bushati i ka kërkuar llogari kryetarit të PD-së Lulzim Basha për gjithçka ka ndodhur në PD që prej zgjedhjes së listave për deputetë e deri më tani .

Bushati në fjalën e saj i thotë Bashës të sqarojë demokratët për çdo zgjedhje që ka bërë.

Më poshtë është fjala e plotë e siguruar nga Cityneës në mbledhjen e zhvilluar pa praninë e mediave:

FJALA E PLOTË

Kjo kryesi nuk është përfillur as ditën e marrëveshjes ku asnjëri nga ne nuk ishte as i ftohtë as i kthjellët për të thënë prisni Z.Basha, çfarë po bëni, po na lexoni marrëveshjen për ta miratuar?

Një gjë për të cilën kanë rënë vetëm 2 persona dakord pa asnjë përfaqësim politik.Po na thoni që po e shpallni në kohë reale, siç e bëtë. Pra e bëtë njësoj si Rama para organeve dhe forumeve të veta dhe medias. Thjesht për të na njoftuar apo çfarë. Është faji ynë. Askush se pati ftohtësinë dhe kthjelltësinë për të thënë prit: Kë pyete?

Dhe ju atëherë mund të kishit thënë që më detyruan amerikanët siç e thatë në një emision televiziv dhe ne do ishim më të qetë sot. Nuk do ishim këtu duke ju kërkuar llogari. Por nuk e bëmë. Prapë faji ynë.

Po të ishim ne anëtarë të vërtetë kryesie, ditën kur ju me një të prerë të lapsit pretë trungun e partisë Demokratike pa asnjë kriter politik në mesnatë, do të duheshim të mblidheshim këtu atë natë apo në mëngjes në oborrin e PD-së dhe t?iu thonim: O, ku po shkon?

Por ne as këtë se bëmë. Në fund na erdhën disave mendtë për atë që po kërkoni ju të bëni. Dhe kjo kryesi natë e ditë në atë mbledhje kryesuar nga z.Paloka dhe z.Spaho u nda në tresh. Kishte 14 vota që nuk donin analizë. Kishte 11 që donin analizë dhe nja 20 abstenime. Kjo e thënë në videoregjistrimin. Kush ka ndonjë dyshim- është thënë nga vetë goja e z.Paloka.

REAGON PALOKA – ?Mos gënje. Më mirë të jem i sinqertë?

Ok. Ok. Tani ne jemi këtu dhe na thuhet po ju konsultojmë për të bërë analizë. Pas 3 muajsh zgjedhjet kur analizën e ka bërë publiku, mediat, gazetarët e publicistët e këtij vendi. Po qe puna për të bërë sa për të kaluar radhën hajde shkojmë në seksione.

Pse u shkel statuti që ju vetë e pranuat në emision televiziv? Pse u shkel statuti z.kryetar? Madje nuk thatë e shkela, por u shkel në vetëvetore.

Ja do shkojmë në Shkodër. Si t?ua shpjegoj shkodranëve se ish-kryetari i bashkisë së tyre ishte i teti në listë dhe 2 kryetarë të bashkive humbëse në mënyrë sistematike ishin në vende më lart në listë? Unë këtë shpjegim nuk mund ta kërkoj nga seksioni z.kryetar. Nuk mund të bëjmë analiza sa për të kaluar radhën. Ne duhet të jemi të sinqertë me veten dhe për të nisur vërtet një proces reflektimi se ku po e çojmë këtë punë? E bëjmë analizën për kryetarët e degëve dhe lëvizjet përkatëse në vitin 2015 dhe nuk prodhuam gjë. As për zgjedhjet e Dibrës nuk u bë analizë dhe nuk nxorrëm mësime. Sot e kësaj dite nuk e dimë si doli marrëveshja. E konsiderojmë marrëveshjen me Ramën të dështuar? Na e hodhi? Apo ishte një sukses? Sot nuk kemi një përgjigje. Këtu jemi në kryesi dhe jemi me dyer të mbyllura dhe duhet të na jepni përgjigje për pyetjet tona?

Mbështetja ime nuk ju ka munguar kurrë, por unë do doja një kryetar me autoritetet moral sot. Përmes një procesi real ku të gjithë të besonin. Ndërkohë ju zgjodhët rrugën më të shkurtër?,- përfundoi Bushati. /Citynews